Vignesh Shivan | చిత్ర పరిశ్రమలో రొమాంటిక్ కపుల్స్లో లేడీ సూపర్ స్టార్ నయనతార (Nayanthara), దర్శకుడు విఘ్నేశ్ శివన్ (Vignesh Shivan) జంట ఒకటి. సుమారు ఏడేండ్లపాటు ప్రేమించుకున్న వీరు పెద్దల అంగీకారంతో గతేడాది జూన్లో వివాహబంధంతో ఒక్కటయ్యారు. మహాబలిపురంలోని ఓ రిసార్ట్లో వివాహం చేసుకున్న సంగతి తెలిసిందే. పెండ్లైన నాలుగు నెలలకే సరోగసి ద్వారా కవలలకు తల్లిదండ్రులయ్యారు కూడా. ఇదిలా ఉండగా.. నయన్తో తన ప్రేమకథ ఎలా మొదలైందో విఘ్నేవ్ తొలిసారి తెలిపారు. ‘నేనూ రౌడీనే’ (Naanum Rowdy Dhaan) సినిమా మొదలు కావడానికి ముందే తాను ఆమెతో ప్రేమలో పడినట్లు చెప్పారు.
‘‘పోడాపోడి’ ( Poda Podi ) పరాజయంతో కెరీర్ పరంగా ఎన్నో సవాళ్లను ఎదుర్కొంటున్న సమయంలో ‘నేనూ రౌడీనే’ (Naanum Rowdy Dhaan) కథ రాశాను. నా దగ్గర కథ ఉందని తెలుసుకున్న హీరో ధనుష్ తన సొంత బ్యానర్ వండర్బార్ ఫిల్మ్లో దాన్ని ప్రొడ్యూస్ చేయడానికి ముందుకొచ్చాడు. ముందుగా నయనతారను కలిసి ఈ కథ గురించి చెప్పమన్నాడు. అయితే, నయన్ ఈ కథను అంగీకరించదని ముందు నేను భావించాను. ఆ సమయంలో నజ్రియా పేరు నా మైండ్లోకి వచ్చింది. ఆమెకు కథ చెబుదామనుకున్నా. కానీ, ధనుష్ మాటను కాదనలేక నయన్ను కలిసి కథ చెప్పాను.
నేను చాలా మంది నటీనటులకు స్క్రిప్ట్లను వివరించా. అందరూ కేవలం కూర్చుని వారి ఫోన్ చూసుకునేవారు. సగం సగం కథ వింటారు. అయితే, నయన్ అలా కాదు. నేను వెళ్లి కూర్చోగానే కథ వినేందుకు ఎంత సమయం పడుతుందని నన్ను అడిగింది. ఆ సమయంలో తనను డిస్టర్బ్ చేయొద్దని తన అసిస్టెంట్కు చెప్పింది. ఆమె తన ఫోన్ను కూడా స్విచ్ ఆఫ్ చేసి.. ‘నేను కథ వినేందుకు రెడీ’ అని చెప్పింది. కథ విన్న తర్వాత ఎక్కువ సమయం కూడా తీసుకోలేదు. వెంటనే చిత్రాన్ని అంగీకరించింది. ఆమె నన్నెంతో గౌరవించింది. ఆ క్షణమే తనతో ప్రేమలో పడిపోయా. ఇక ఆ సినిమా రెండో షెడ్యూల్ నుంచే మేమిద్దరం డేటింగ్ ప్రారంభించాం. మేమిద్దరం ప్రేమించుకుంటున్నామన్న విషయం మేం చెప్పేవరకూ ఎవరికీ తెలీలేదు. సెట్లో నయన్ని మేడం అనే పిలిచేవాడిని. చివరికి ఆమె కారవ్యాన్లోకి కూడా వెళ్లేవాడిని కాదు. మేమిద్దరం వృత్తిపట్ల ఎంతో కమిట్మెంట్తో ఉండేవాళ్లం’ అని విఘ్నేష్ తన ప్రేమ కథను చెప్పుకొచ్చారు.
Also Read..
Jess Jonassen | ప్రేయసితో ఆసీస్ మహిళా క్రికెటర్ వివాహం.. పిక్స్ వైరల్..!
Ajith Kumar | గొప్ప మనసు చాటుకున్న హీరో అజిత్.. లేడీ ఫ్యాన్ లగేజ్ మోసిన స్టార్ హీరో
VK Sasikala | కులం చూసి ఉంటే పళనిస్వామిని సీఎం చేసేదాన్ని కాదు : శశికళ