ఆ భ్రమ నుంచి బయటపడాలి!

యాక్షన్‌తో పాటు తనదైన శైలిలో చక్కటి కామెడీని పండిస్తూ ప్రేక్షకుల్ని అలరిస్తుంటారు హీరో వరుణ్‌తేజ్‌. ఆయన నటించిన తాజా చిత్రం ‘కొరియన్‌ కనకరాజు’ నేడు ప్రేక్షకుల ముందుకొస్తున్నది. మేర్లపాక గాంధీ దర్శకత్వంలో హారర్‌, సూపర్‌నేచురల్‌ ఎలిమెంట్స్‌తో ఈ సినిమాను తెరకెక్కించారు.

యాక్షన్‌తో పాటు తనదైన శైలిలో చక్కటి కామెడీని పండిస్తూ ప్రేక్షకుల్ని అలరిస్తుంటారు హీరో వరుణ్‌తేజ్‌. ఆయన నటించిన తాజా చిత్రం ‘కొరియన్‌ కనకరాజు’ నేడు ప్రేక్షకుల ముందుకొస్తున్నది. మేర్లపాక గాంధీ దర్శకత్వంలో హారర్‌, సూపర్‌నేచురల్‌ ఎలిమెంట్స్‌తో ఈ సినిమాను తెరకెక్కించారు. యూవీ క్రియేషన్స్‌, ఫస్ట్‌ఫ్రేమ్‌ సంస్థలు నిర్మించాయి. నాన్‌స్టాప్‌ ఎంటర్‌టైనర్‌ ఇదని, రెండున్నర గంటల పాటు ప్రేక్షకుల్ని నవ్వుల్లో ముంచెత్తుతుందని వరుణ్‌తేజ్‌ చెప్పారు. ఈ నేపథ్యంలో గురువారం ఆయన విలేకరులతో ముచ్చటించారు.

• దర్శకుడు గాంధీ ఈ కథ చెప్పినప్పుడు నవ్వుతూనే ఉండిపోయా. కోవిడ్‌ తర్వాత ఎక్కువగా సీరియస్‌, యాక్షన్‌ సినిమాలొచ్చాయి. ఎప్పటి నుంచో హాస్య ప్రధానంగా ఓ సినిమా చేయాలనుకుంటున్నా. ప్రేక్షకుల్ని రెండున్నర గంటల పాటు నవ్వించాలనే ఉద్దేశ్యంతో ఈ సినిమా చేశాను.
• పొడవుగా, భారీ కటౌట్‌తో కనిపించే హీరోలకు కామెడీ సినిమాలు అంతగా సెట్‌కావనే అభిప్రాయం ఉంది. ఆ భ్రమ నుంచి బయటకు రావాలి. నిజానికి నటుడు అన్ని రకాల పాత్రలు చేయాలి. పాత్రను సరిగ్గా డిజైన్‌ చేస్తే అద్భుతంగా కామెడీ పండుతుంది. ‘కొరియన్‌ కనకరాజు’లో యాక్షన్‌తో పాటు కామెడీ కూడా బాగా కుదిరింది.
• ఈ సినిమా ప్రమోషన్స్‌ని చాలా కొత్తగా నిర్వహించాం. కంటెంట్‌కు కనెక్ట్‌ అయ్యే విధంగా ప్రచార కార్యక్రమాలకు రూపకల్పన చేశాం. ట్రైలర్‌లోనే కథ మొత్తం చెప్పి ప్రేక్షకుల్ని సినిమా కోసం ముందస్తుగా ప్రిపేర్‌ చేశాం. పోస్ట్‌ప్రొడక్షన్‌ కార్యక్రమాలకు కూడా సరిపడా సమయం దొరకడంతో సినిమా అవుట్‌పుట్‌ అద్భుతంగా వచ్చింది. దాంతో విజయంపై ధీమా పెరిగింది.
• ఈ సినిమా కోసం కొరియన్‌ భాష నేర్చుకున్నా. నాకు కొత్త పాత్రలు చేయడం, కొత్త వ్యక్తిలా జీవించడం చాలా ఇష్టం. ప్రతి పాత్రలో నేను కనిపించకుండా..నా క్యారెక్టర్‌ మాత్రమే కనిపించేలా కష్టపడతాను. ఈ సినిమాలో నా పాత్ర రెండు భిన్న పార్శాల్లో సాగుతుంది. నటుడిగా ఛాలెంజింగ్‌ రోల్‌ చేసినందుకు సంతృప్తిగా ఉన్నా. ఇందులో నా హెయిర్‌ైస్టెల్‌ మొదలుకొని బాడీ లాంగ్వేజ్‌, డైలాగ్‌ డెలివరీ…ఇలా ప్రతీ విషయం కొత్తగా అనిపిస్తుంది.
• ఈ సినిమా ప్రీమియర్‌షోస్‌ బుకింగ్స్‌ అన్నీ ఫుల్‌ అయిపోయాయి. ఓవర్‌సీస్‌లో కూడా సూపర్‌రెస్పాన్స్‌ వస్తున్నది. ప్రచార చిత్రాల ద్వారా సినిమా కంటెంట్‌ ప్రేక్షకులకు బాగా రీచ్‌ అయింది. సినిమా కూడా అందరి అంచనాలకు తగినట్లుగా ఉంటుంది. నా తదుపరి సినిమా ‘బరి’ తాలూకు ప్రీప్రొడక్షన్‌ వర్క్‌ జరుగుతున్నది. పూర్తి స్పోర్ట్స్‌ బ్యాక్‌డ్రాప్‌లో నడిచే కథ ఇది. నేను చిన్నప్పటి నుంచి వాలీబాల్‌ ఆడేవాడిని. అది ఈ సినిమాకు బాగా హెల్ప్‌ అవుతున్నది. ఇందులో మా నాన్న కూడా కీలక పాత్రను పోషిస్తున్నారు. ఆయనతో కలిసి నటించాలనే కోరిక ‘బరి’ సినిమాతో నెరవేరబోతున్నది.