Visit:
Varun Tej | ముకుంద, కంచె సినిమాలతో టాలీవుడ్‌లో యాక్టర్‌గా మంచి గుర్తింపు తెచ్చుకున్నాడు వరుణ్‌ తేజ్ (Varun Tej). ఆ తర్వాత కెరీర్‌లో బ్యాక్ టు బ్యాక్ సినిమాలు చేసినా గద్దలకొండ గణేశ్, ఎఫ్‌ 2, ఎఫ్‌ 3 సినిమాలు తప్ప మిగిలిన సినిమాలు దాదాపు బాక్సాఫీస్ వద్ద ప్రేక్షకులను నిరాశపరిచాయి. 2019లో హరీష్‌ శంకర్‌ దర్శకత్వంలో వచ్చిన గద్దలకొండ గణేశ్.. 2022లో ఎఫ్‌ 3 తర్వాత వరుణ్‌ తేజ్ ఖాతాలో చెప్పుకునేంత సక్సెస్ సాధించిన సినిమాలేమి లేవు.
వరుణ్‌ తేజ్ 2023లో యాక్షన్‌ థ్రిల్లర్‌ గాండీవధారి అర్జున సినిమాతో పలుకరించగా బోల్తా కొట్టింది.దీంతో 2023 ఇయర్ వరున్‌తేజ్‌కు ప్లాప్‌తోనే ముగిసింది. 2024 కూడా ఇదే సీన్‌ రిపీటైంది. ఈ ఏడాది ఎయిర్‌ఫోర్స్‌ డ్రామా నేపథ్యంలో నటించిన ఆపరేషన్‌ వాలెంటైన్‌ ప్రేక్షకుల అంచనాలు అందుకోలేకపోయింది.
ఆ తర్వాత కరుణకుమార్‌ దర్శకత్వంలో వచ్చిన గ్యాంబ్లింగ్‌ గ్యాంగ్‌ స్టర్‌ డ్రామా మట్కా ఊహించని స్థాయిలో డిజాస్టర్‌గా నిలిచి.. అటు మేకర్స్‌తోపాటు ఇటు అభిమానులు, మూవీ లవర్స్‌కు భారీ నిరాశనే మిగిల్చింది. ఈ లెక్కన 2024 ఇయర్ కూడా వరుణ్‌తేజ్‌ కెరీర్‌లో ప్లాప్‌ టాక్‌తోనే ముగిసిందని చెప్పాలి.
సక్సెస్, ఫెయిల్యూర్‌తో సంబంధం లేకుండా.. ఓ వైపు ప్రయోగాత్మక సినిమాలు చేస్తూనే.. మరోవైపు ప్రేక్షకులకు వినోదాన్ని అందించాలనే ప్రయత్నంలో ఎప్పుడూ ముందుండే వరుణ్‌తేజ్‌కు 2025 ఇయర్ అయినా కలిసి రావాలని విష్‌ చేస్తున్నారు మూవీ లవర్స్‌.
Pooja Hegde | పూజా హెగ్డే 2024 రౌండప్‌.. నో యాక్షన్‌.. నో రిలీజ్‌
Shankar | గెట్‌ రెడీ అంటోన్న శంకర్‌.. థియేటర్లలోనే కమల్‌హాసన్ ఇండియన్ 3
