Ranga Ranga Vaibhavanga | మెగా మేన‌ల్లుడికి బ‌ట‌ర్‌ఫ్లై కిస్ ఇచ్చిన కేతిక శ‌ర్మ‌

January 24, 2022 / 07:00 PM IST

Vaishnav tej and Ketika Sharma in Ranga Ranga Vaibhavanga movie

Ranga Ranga Vaibhavanga | తొలి సినిమాతోనే క‌లెక్ష‌న్ల ఉప్పెన సృష్టించిన హీరో వైష్ణ‌వ్‌తేజ్‌ ( Vaishnav tej ). మొద‌టి సినిమాకే వంద కోట్ల క్ల‌బ్‌లో చేరిపోయాడు మెగా మేన‌ల్లుడు. ఆ సినిమా స‌క్సెస్‌తో ఇప్పుడు వ‌రుస ఆఫ‌ర్లు ద‌క్కించుకుంటున్నాడు. ఈ క్ర‌మంలోనే ఈయ‌న మూడో సినిమాను అనౌన్స్ చేశారు. గిరీశ‌య్య ద‌ర్శ‌క‌త్వంలో తెర‌కెక్కుతున్న ఈ సినిమాకు సంబంధించిన టైటిల్‌ను సోమ‌వారం ప్ర‌క‌టించారు. ఈ సినిమాకు రంగ రంగ వైభ‌వంగా అనే టైటిల్ ఖ‌రారు చేశారు. ఈ మేర‌కు టైటిల్ టీజ‌ర్‌ను రిలీజ్ చేశారు. ఈ సినిమాలో వైష్ణ‌వ్ తేజ్‌కు జోడీగా యంగ్ హీరోయిన్ కేతిక శ‌ర్మ ( Ketika Sharma ) న‌టిస్తోంది.

Ranga Ranga Vaibhavanga movie Title Teaser

రంగ రంగ వైభవంగా సినిమాకు సంబంధించి తాజాగా విడుద‌ల చేసిన టీజ‌ర్ యువ‌త‌ను ఆక‌ట్టుకుంటుంది. ఈ టీజ‌ర్‌లో.. ఏంటే ట్రీట్ ఇస్తాన‌ని చేతులు ఊపుకుంటూ వ‌స్తున్న‌వ్‌? అని వైష్ణ‌వ్ తేజ్ అడ‌గ్గా.. అమ్మాయిలు ట్రీట్ ఇవ్వాలంటే ఏం తీసుకురావ‌క్క‌ర్లేదు.. నీకు బ‌ట‌ర్ ఫ్లై కిస్ తెలుసా అంటూ కేతిక వ‌ర్మ హ‌స్కీ వాయిస్‌లో చెబుతుంది. ఆ త‌ర్వాత కేతిక‌శ‌ర్మ త‌న క‌నురెప్ప‌ల‌తో వైష్ణ‌వ్ తేజ్ క‌నురెప్ప‌ల‌ను ముద్దాడిన‌ట్టుగా చూపించారు. ఇది నెక్ట్స్ లెవల్‌లో ఉందన్న వైష్ణ‌వ్ తేజ్ డైలాగ్‌తో టీజ‌ర్ పూర్త‌యింది. యూత్ ఫుల్ ఎంట‌ర్‌టైన‌ర్‌గా తెర‌కెక్కుతున్న ఈ చిత్రాన్ని శ్రీ వేంక‌టేశ్వ‌ర సినీ చిత్ర బ్యాన‌ర్‌పై బీవీఎస్ఎన్ ప్ర‌సాద్ నిర్మిస్తున్నాడు. దేవీ శ్రీ ప్రసాద్ సంగీతం అందిస్తున్నాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి