True Lover | ఓటీటీలోకి రాబోతున్న ‘ట్రూ ల‌వ‌ర్‌’.. స్ట్రీమింగ్ ఎప్పుడంటే.?

True Lover | త‌మిళ‌ న‌టుడు కె.మ‌ణికంద‌న్‌ (manikandan) గురించి తెలుగు ప్రేక్ష‌కులకు ప్ర‌త్యేక ప‌రిచ‌యం అక్క‌ర్లేదు. జై భీమ్‌.. గుడ్‌నైట్ సినిమాల‌తో తెలుగులో మంచి గుర్తింపు సంపాదించుకున్నాడు. అయితే మ‌ణికంద‌న్, తెలుగు న‌టి గౌరీ ప్రియ జంట‌గా న‌టించిన తాజా చిత్రం ‘ట్రూ ల‌వ‌ర్‌’.

True Lover | త‌మిళ‌ న‌టుడు కె.మ‌ణికంద‌న్‌ (manikandan) గురించి తెలుగు ప్రేక్ష‌కులకు ప్ర‌త్యేక ప‌రిచ‌యం అక్క‌ర్లేదు. జై భీమ్‌.. గుడ్‌నైట్ సినిమాల‌తో తెలుగులో మంచి గుర్తింపు సంపాదించుకున్నాడు. అయితే మ‌ణికంద‌న్, తెలుగు న‌టి గౌరీ ప్రియ జంట‌గా న‌టించిన తాజా చిత్రం ‘ట్రూ ల‌వ‌ర్‌’. ఈ సినిమాకు ప్ర‌భురామ్ ద‌ర్శ‌క‌త్వం వ‌హించాడు. తెలుగులో ఈ సినిమాను మారుతి తీసుకురాగా ఫిబ్ర‌వ‌రి 10న విడుదలై మంచి విజ‌యాన్ని అందుకుంది. అయితే తాజాగా ఈ చిత్రం ఓటీటీ లాక్ చేసుకుంది.

ప్ర‌ముఖ ఓటీటీ వేదిక డిస్నీ ప్లస్ హాట్‌స్టార్‌లో ఈ చిత్రం మార్చి 27 నుంచి స్ట్రీమింగ్ కానున్న‌ట్లు మేక‌ర్స్ వెల్ల‌డించారు. త‌మిళంతో పాటు తెలుగు, క‌న్న‌డ‌, మ‌ల‌యాళం, హిందీ భాష‌ల్లో ఈ చిత్రం స్ట్రీమింగ్ కానుంది.

#Lover Today Night 12PM Streaming ✅🔥 pic.twitter.com/ijSD7aMPx3

— 𝙒𝙖𝙡𝙩𝙚𝙧 𝙒𝙝𝙞𝙩𝙚 (@SivaDas45) March 26, 2024

ఈ సినిమా క‌థ విష‌యానికి వ‌స్తే.. అరుణ్ (మ‌ణికంద‌న్‌), దివ్య( గౌరీ ప్రియ) కాలేజీ రోజుల నుంచి ప్రేమ‌లో ఉంటారు. అయితే దివ్య కాలేజ్ పూర్తి కాగానే ఓ సాఫ్ట్‌వేర్ కంపెనీలో ఉద్యోగం తెచ్చుకుంటుంది. కానీ అరుణ్ మాత్రం కేఫ్ బిజినెస్ పెట్టాల‌నే ఆలోచ‌న‌తో ఖాళీగా ఉంటాడు. అయితే అరుణ్‌కు త‌న ప్రేమ విష‌యంలో పోసెసివ్ నెస్ ఎక్కువ. దివ్య ఎప్పుడు త‌న‌తోనే మాట్లాడాలి అని, త‌న‌తోనే ఉండాల‌ని లేక‌పోతే గోడ‌వలు పెట్టుకుంటూ అప్పుడ‌ప్పుడు అనుమాన ప‌డుతుంటాడు. ఫ‌లితంగా ఇద్ద‌రు త‌ర‌చూ గొడ‌వపడుతూ విడిపోయి.. మ‌ళ్లీ క‌లిసిపోతుంటారు. అయితే ఒక పెద్ద సంఘ‌ట‌న త‌ర్వాత కొన్నాళ్లు ఈ ఇద్ద‌రి మ‌ధ్య మాట‌లుండ‌వు. మ‌రి త‌ర్వాత వీళ్ళు కలుసుకున్న అనంతరం ఏం జరిగింది. మ‌ళ్లీ క‌లిశారా? విడిపోయారా? అనేది తెలియాలంటే సినిమా చూడాల్సిందే.