రామ్ మూవీ షూట్‌లో ప్ర‌ముఖ న‌టి

ఎనర్జిటిక్ స్టార్ రామ్‌, దర్శకుడు లింగుస్వామి కాంబినేష‌న్ లో ఓ సినిమా వ‌స్తోన్న సంగ‌తి తెలిసిందే. రెండు రోజుల క్రితం రామ్ 19వ ప్రాజెక్టు హైద‌రాబాద్ లో షూటింగ్ మొద‌లైంది.

July 14, 2021 / 03:55 PM IST

ఎనర్జిటిక్ స్టార్ రామ్‌, దర్శకుడు లింగుస్వామి కాంబినేష‌న్ లో ఓ సినిమా వ‌స్తోన్న సంగ‌తి తెలిసిందే. హైద‌రాబాద్ లో రెండు రోజుల క్రితం రామ్ 19వ ప్రాజెక్టు షూటింగ్ మొద‌లైంది. ఉప్పెన ఫేం కృతిశెట్టి హీరోయిన్ గా న‌టిస్తోన్న ఈ ప్రాజెక్టుకు సంబంధించిన క్రేజీ అప్ డేట్ ఒక‌టి బ‌య‌ట‌కు వ‌చ్చింది. మిర్చి, అత్తారింటికి దారేది చిత్రాల‌తో తెలుగు ఆడియెన్స్ కు బాగా క‌నెక్ట్ అయింది సీనియ‌ర్ న‌టి న‌దియా. ఈ న‌టి ఇపుడు రామ్ సినిమాలో భాగం అయింది. రామ్ చిత్రంలో కీ రోల్ పోషిస్తున్న‌ న‌దియా షూట్‌లో జాయిన్ అయిన‌ట్టు మేక‌ర్స్ ప్ర‌క‌టించారు.

ఇస్మార్ట్ శంక‌ర్ స‌క్సెస్ త‌ర్వాత రామ్ న‌టిస్తోన్న‌ పక్కా ఊర మాస్‌ ఎంటర్‌టైనర్‌ ఇది. దేవిశ్రీప్రసాద్‌ సంగీతం అందిస్తుండ‌గా.సుజీత్‌ వాసుదేవన్‌ సినిమాటోగ్రఫీ, సాయిమాధవ్‌ బుర్రా సంభాషణలు రాస్తున్నారు. భారీ బ‌డ్జెట్‌తో అత్యున్నత సాంకేతికత విలువ‌ల‌తో రూపొందుతోంది. తెలుగు, తమిళ భాషల్లో నిర్మాత చిట్టూరి శ్రీనివాస్ ఈ మూవీని నిర్మిస్తున్నారు.