రామ్ డ్యుయ‌ల్ రోల్‌..అవేంటో తెలుసా..?

పోలీసాఫీసర్ పాత్ర‌లో న‌టించాల‌ని చాలా మంది న‌టీన‌టులు అనుకుంటుంటారు. కానీ అంద‌రికీ ఆ అవ‌కాశం రాదు. హీరోలైతే కెరీర్ లో ఒక్క‌సారైనా పోలీస్ యూనిఫామ్ వేసుకుని సిల్వ‌ర్ స్క్రీన్ పై ర‌ఫ్పాడించాల‌నుకుంటారు.

July 12, 2021 / 04:08 PM IST

పోలీసాఫీసర్ పాత్ర‌లో న‌టించాల‌ని చాలా మంది న‌టీన‌టులు అనుకుంటుంటారు. కానీ అంద‌రికీ ఆ అవ‌కాశం రాదు. హీరోలైతే కెరీర్ లో ఒక్క‌సారైనా పోలీస్ యూనిఫామ్ వేసుకుని సిల్వ‌ర్ స్క్రీన్ పై ర‌ఫ్పాడించాల‌నుకుంటారు. టాలీవుడ్ యువ హీరో రామ్ కు ఇపుడు ఆ టైం వ‌చ్చేసింది. లింగుస్వామి ద‌ర్శ‌కత్వంలో రామ్ సినిమా చేస్తున్న సంగ‌తి తెలిసిందే. ఇప్ప‌టివ‌ర‌కు ల‌వర్ బాయ్‌గా, మాస్ రోల్ లో క‌నిపించిన‌ రామ్‌కు ఏకంగా ఒకేసారి డ‌బుల్ బొనాంజా ఆఫ‌ర్ వ‌చ్చిందట‌.

ఇంత‌కీ ఆ ఆఫ‌ర్ ఏంటో తెలుసా..? ఈ మూవీలో రామ్ రెండు పాత్ర‌ల్లో క‌నిపించ‌నున్నాడ‌ని టాక్ న‌డుస్తోంది. అందులో ఒక‌టి పోలీసాఫీస‌ర్ రోల్ కాగా, మ‌రో పాత్ర డాక్ట‌ర్. మ‌నిషి దేహానికి వ‌చ్చిన‌ రోగాల‌ను డాక్ట‌ర్ ఎలా న‌యం చేస్తాడో. స‌మాజంలో ఉన్న చెడును తొల‌గించే ప‌ని పోలీస్ చేస్తాడు. లింగుస్వామి ఈ రెండు లైన్ల ఆధారంగా రామ్ క్యారెక్ట‌ర్ డిజైన్ చేశాడ‌ని ఫిలింన‌గ‌ర్ స‌ర్కిల్ టాక్‌. ఇస్మార్ట్ శంక‌ర్ సినిమా స‌క్సెస్ త‌ర్వాత ఫుల్ డోస్ యాక్ష‌న్ సినిమా చేస్తున్నాడు రామ్‌. కృతిశెట్టి హీరోయిన్ గా న‌టిస్తోంది.