bigg boss 5 | ఈ టైమ్‌లో వైల్డ్ కార్డ్ ఎంట్రీ ఏంటి బాసూ.. మీరేం చేస్తున్నారో అర్థమవుతుందా..?

November 7, 2021 / 10:15 PM IST

wild card entry in bigg boss 5 telugu | బిగ్ బాస్ ఎప్పుడు ఎలా ఆలోచిస్తాడో ఊహించడం కష్టం. అందుకే బిగ్ బాస్ ఇల్లు అంటేనే విచిత్రాలకు కేరాఫ్ అడ్రస్. ఇప్పుడు కూడా ఇలాంటిదే జరుగుతుంది. ఈ సీజన్ మొదలై అప్పుడే 11 వారాలు కావొస్తుంది. ఈ వారం విశ్వ ఇంటి నుంచి ఎలిమినేట్ అయిపోయాడు. ఆయన ఎలిమినేషన్ కాస్త అనూహ్యమే. ఎందుకంటే గేమ్ బాగా ఆడుతున్నాడు.. అలాగే ఇంట్లో వర్క్ కూడా అద్భుతంగా చేస్తాడు. అలాంటి కంటెస్టెంట్ ఎలిమినేట్ అవ్వడం అంటే సంచలనమే అవుతుంది. మరో 6 వారాల్లోనే ఈ సీజన్ ముగింపున‌కు వచ్చేయనుంది. ఇప్పటికే బిగ్ బాస్ 5 తెలుగులో కచ్చితంగా వైల్డ్ కార్డ్ ఎంట్రీలు ఉంటాయని ఊహించారు ప్రేక్షకులు. కానీ అలాంటిదేం జరగలేదు.

ప్రతీసారి ఇంట్లోకి 16 మంది ఇంటి సభ్యులను పంపించి.. రెండు మూడు వారాల తర్వాత వైల్డ్ కార్డ్ ఎంట్రీస్ పంపించేవాళ్లు. గత సీజన్‌లో రెండు వారాల తర్వాత జబర్దస్త్ కమెడియన్ అవినాశ్‌ వచ్చాడు. అలాగే దానికి ముందు కూడా అలాగే కొందరు వైల్డ్ కార్డ్ ఎంట్రీ ఇచ్చారు. అయితే సీజన్ 5లో మాత్రం 10 వారాలు అయిపోయినా కూడా ఇప్పటి వరకు వైల్డ్ కార్డ్ ఎంట్రీస్ ఎవరూ రాలేదు. ముందు పంపించడమే 19మందిని ఇంట్లోకి పంపించారు. దాంతో ఈ సారి వైల్డ్ కార్డ్ ఉండదేమో అనే వాదనలే ఎక్కువగా వినిపించాయి. కానీ బిగ్ బాస్ ఎప్పుడు ఎలా ఆలోచిస్తాడో చెప్పడం కష్టమని ముందుగానే చెప్పుకున్నాం కదా..!

అందుకే చివరి 5 వారాలకు గానూ ఓ వైల్డ్ కార్డ్ రాబోతున్నారని తెలుస్తుంది. దీనిపై సోషల్ మీడియాలో వార్తలు బాగానే వినిపిస్తున్నాయి. ఓ హీరోయిన్ ను వైల్డ్ కార్డ్ ఇచ్చి లోపలికి పంపిస్తున్నట్లు ప్రచారం జరుగుతుంది. అయితే చివరి ఐదు వారాలు వచ్చి ఏం చేస్తుంది.. ఆమె ఎలాగూ గెలవదు కదా.. అలాంటప్పుడు వచ్చి లాభమేంటి.. కచ్చితంగా వచ్చినా కూడా ఆ వారమే ఇంటికి పంపించేస్తారు అంటూ కామెంట్స్ వస్తున్నాయి. గత సీజన్‌లో స్వాతి దీక్షిత్, సాయి కుమార్ పంపాన లాంటి వాళ్లు ఇలా వచ్చి అలా వెళ్లిపోయారు. మరి ఈ సారి పరిస్థితులు ఎలా ఉండబోతున్నాయో చూడాలి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి