Swara Bhasker | దేశంలో చాలా సమస్యలున్నాయి, వాటిపై మాట్లాడండి: ట్రోలర్లకు స్వరా భాస్కర్ కౌంటర్

Swara Bhasker | సమాజ్ వాదీ పార్టీ ఎంపీ డింపుల్ యాదవ్ (అఖిలేష్ యాదవ్ భార్య)పై త‌న‌కు క్ర‌ష్ ఉందంటూ బాలీవుడ్ న‌టి స్వరా భాస్కర్ ఆస‌క్తిక‌ర వ్యాఖ్య‌లు చేసిన విష‌యం తెలిసిందే.

Swara Bhasker | సమాజ్ వాదీ పార్టీ ఎంపీ డింపుల్ యాదవ్ (అఖిలేష్ యాదవ్ భార్య)పై త‌న‌కు క్ర‌ష్ ఉందంటూ బాలీవుడ్ న‌టి స్వరా భాస్కర్ ఆస‌క్తిక‌ర వ్యాఖ్య‌లు చేసిన విష‌యం తెలిసిందే. ఒక ఇంట‌ర్వ్యూలో భాగంగా స్వరా మాట్లాడుతూ.. మనుషులందరూ సహజంగా బైసెక్సువల్స్ (ద్విలింగ సంపర్కులు) అని అందుకే వారికి అబ్బాయిల‌తో పాటు అమ్మాయిల‌పై కూడా ఇష్టం ఉంటుంద‌ని తెలిపింది. అయితే ఇదే ఇంట‌ర్వ్యూలో అమ్మాయిల‌లో మీ క్ర‌ష్ ఎవ‌ర‌ని అడుగగా.. స్వ‌రా మాట్లాడుతూ.. సమాజ్ వాదీ పార్టీ ఎంపీ డింపుల్ యాదవ్ (అఖిలేష్ యాదవ్ భార్య)పై తనకు క్రష్ ఉందని ఆమె చెప్పారు. ఈ వ్యాఖ్య‌ల‌కు సంబంధించిన వీడియో సోష‌ల్ మీడియాలో వైర‌ల్ అవ్వ‌డంతో పాటు స్వరాని నెటిజ‌న్లు ట్రోల్ చేయ‌డం మొద‌లుపెట్టారు. దీంతో ఈ విష‌యంపై త‌న‌దైన శైలీలో స్పందించింది స్వరా.

తాను కేవలం డింపుల్‌ అందాన్ని, హుందాతనాన్ని మాత్ర‌మే అభినందించాన‌ని స్వరా తెలిపింది. ఆమె ఒక రాజకీయ నాయకుడి భార్యగా, రాజకీయవేత్తగా ఎంతో హుందాతనంతో వ్యవహరించారని, ఆమె నుంచి చాలా నేర్చుకోవచ్చని ఇంట‌ర్వ్యూలో చెప్పిన‌ట్లు రాసుకోచ్చింది. అయితే నెటిజ‌న్లు తన వ్యాఖ్యలపై త‌ప్పులు వెతికే బ‌దులు దేశంలో జరుగుతున్న ముఖ్యమైన విష‌యాల‌లో ఒక‌టైన‌ ‘ఓట్ల చోరి’ వంటి తీవ్రమైన సమస్యలపై దృష్టి పెట్టాలని ఆమె సూచించారు.