ENE Repeat | టీమ్ కన్యారాశి ఈజ్ బ్యాక్.. థాయ్‌లాండ్‌లో ‘ఈ నగరానికి ఏమైంది’ సీక్వెల్ షూటింగ్!

ENE Repeat | టాలీవుడ్ కల్ట్ క్లాసిక్ 'ఈ నగరానికి ఏమైంది' (ENE)కి సీక్వెల్ కోసం ఎదురుచూస్తున్న అభిమానులకు అదిరిపోయే అప్‌డేట్ వచ్చేసింది.

ENE Repeat | టాలీవుడ్ కల్ట్ క్లాసిక్ ‘ఈ నగరానికి ఏమైంది’ (ENE)కి సీక్వెల్ కోసం ఎదురుచూస్తున్న అభిమానులకు అదిరిపోయే అప్‌డేట్ వచ్చేసింది. #ENERepeat పేరుతో తెరకెక్కుతున్న ఈ సినిమా షూటింగ్ ప్రస్తుతం థాయ్‌లాండ్‌లో శరవేగంగా జరుగుతోంది. దర్శకుడు తరుణ్ భాస్కర్ తన మార్కు మేకింగ్‌తో ఈ సినిమాను మరింత గ్రాండ్‌గా ప్లాన్ చేస్తున్నారు. తాజాగా దీనికి సంబంధించిన కొత్త పోస్ట‌ర్‌ను చిత్ర‌బృందం విడుద‌ల చేసింది. మొదటి భాగంలో గోవా వెళ్ళిన గ్యాంగ్, ఈసారి థాయ్‌లాండ్‌లో సందడి చేయబోతుంది. చిత్ర యూనిట్ అందించిన సమాచారం ప్రకారం, సినిమాలోని దాదాపు 50 శాతం కీలక సన్నివేశాలను అక్కడి అందమైన లొకేషన్లలోనే చిత్రీకరిస్తున్నారు. మొదటి భాగం పరిమిత బడ్జెట్‌తో తెరకెక్కినప్పటికీ, సీక్వెల్ క్రేజ్ దృష్ట్యా ఈసారి దాదాపు రూ.40 కోట్ల భారీ బడ్జెట్‌తో అత్యంత రిచ్‌గా నిర్మిస్తున్నారు.

ఈ సీక్వెల్‌లో విశ్వక్ సేన్ (వివేక్), అభినవ్ గోమఠం (కౌశిక్), వెంకటేష్ కాకుమాను (ఉప్పి) తమ పాత్రలను కొనసాగిస్తుండగా, కార్తీక్ పాత్రలో సాయి సుశాంత్ స్థానంలో శ్రీనాథ్ మాగంటి కనిపించ‌బోతున్నాడు. ఈ సినిమా షూటింగ్‌ను త్వ‌ర‌గా పూర్తిచేసి 2026 అక్టోబరులో లేదా అదే ఏడాది చివర్లో గ్రాండ్‌గా విడుదల చేయడానికి చిత్ర బృందం సన్నాహాలు చేస్తోంది.

#enerepeat 😎 pic.twitter.com/9lpT460Jfk

— VishwakSen (@VishwakSenActor) April 21, 2026