Nazriya Nazim | అందుకే నా రీ ఎంట్రీని సెల‌బ్రేట్ చేసుకోవ‌డం మానేశారు : న‌జ్రియా

స్టార్ హీరోయిన్ న‌జ్రియా న‌జీమ్ (Nazriya Nazim) అంటే సుంద‌రానికి (Ante Sundaraniki) సినిమాతో త్వ‌ర‌లో తెలుగు ప్రేక్ష‌కుల‌ను ప‌లుకరించ‌బోతుంది. రెండేళ్ల గ్యాప్ త‌ర్వాత 2022లో సిల్వ‌ర్ స్క్రీన్‌పై మెరువ‌బోతుంది.

న‌జ్రియా న‌జీమ్ (Nazriya Nazim) ఒక్క నవ్వు న‌వ్విందంటే చాలు నెటిజ‌న్లు ఫిదా అయిపోవాల్సిందే. ఈ స్టార్ హీరోయిన్ నాని (Nani) న‌టిస్తోన్న అంటే సుంద‌రానికి (Ante Sundaraniki) సినిమాతో త్వ‌ర‌లో తెలుగు ప్రేక్ష‌కుల‌ను ప‌లుకరించ‌బోతుంది. ఈ భామ 2014లో కొన్ని సినిమాలు చేసింది. కానీ త‌ర్వాత 2018 వ‌రకు మ‌ళ్లీ క‌నిపించ‌లేదు. అటు త‌ర్వాత 2020లో క‌నిపించ‌గా..రెండేళ్ల గ్యాప్ అనంత‌రం ఇపుడు అంటే 2022లో సిల్వ‌ర్ స్క్రీన్‌పై మెరువ‌బోతుంది.

ఇంత‌కీ ఇలా సినిమాల‌కు ఎక్కువ‌గా గ్యాప్ రావ‌డానికి గ‌ల కార‌ణ‌మేంటో రీసెంట్ చిట్‌చాట్‌లో చెప్పింది న‌జ్రియా. నేను ఒక సినిమా పూర్తయ్యాక కావాల‌నే బ్రేక్‌ తీసుకుంటాను. ఆ బ్రేక్ రెండేళ్ల వరకూ ఉంటుంది. అయితే నేను సినిమాలను తిరస్కరిస్తుంటాన‌ని చాలా మంది అనుకుంటారు..కానీ అలాంటిదేమి ఉండ‌దు..నేను సెలవు (వెకేష‌న్ మూడ్‌)లో ఉన్నప్పుడు సినిమాలు చేసే మూడ్‌లో ఉండ‌ను. కొన్నిసార్లు కథలను విన్ప‌ప్ప‌టికీ యాక్టివ్‌గా ఉండ‌ను. నా ప్రయాణాలలో నిమగ్నమై ఉంటాను. నా వ్యక్తిగత జీవితానికి ఎక్కువ ప్రాధాన్యత ఇస్తానని చెప్పింది.

నేనెక్కువ బ్రేక్‌ తీసుకుంటుంటాను. మొదట్లో అభిమానులు, ఫాలోవ‌ర్లు నా రీ ఎంట్రీని వేడుక‌గా జ‌రుపుకునేవారు..కానీ నేను సాధారణంగా ఎక్కువగా బ్రేక్ తీసుకుంటానని ఇపుడు నా అభిమానులు అర్థం చేసుకున్నారు. అందుకే వాళ్లు నా రీఎంట్రీని సెల‌బ్రేట్ చేసుకోవ‌డం ఇక మానేశారని చెప్పుకొచ్చింది. అయితే ఎక్కువ‌కాలం విరామం తీసుకుంటున్నా ఫ్యాన్స్ త‌న‌ను గుర్తు పెట్టుకోవ‌డం చాలా సంతోష‌క‌ర విష‌య‌మ‌ని అన్న‌ది న‌జ్రియా.

Read Also :  Suriya | రెమ్యున‌రేష‌న్ తీసుకోని సూర్య..కార‌ణం చెప్పిన స్టార్ డైరెక్ట‌ర్..!