Tarun Bhaskar | తరుణ్‌భాస్కర్‌ హీరోగా కొత్త చిత్రం

దర్శకుడిగా, నటుడిగా తనదైన ప్రతిభను చాటుకుంటున్నారు తరుణ్‌భాస్కర్‌. తాజాగా ఆయన కథానాయకుడిగా ఓ సినిమా తెరకెక్కుతున్నది.

Tarun Bhaskar | దర్శకుడిగా, నటుడిగా తనదైన ప్రతిభను చాటుకుంటున్నారు తరుణ్‌భాస్కర్‌. తాజాగా ఆయన కథానాయకుడిగా ఓ సినిమా తెరకెక్కుతున్నది. సంజీవ్‌ ఏఆర్‌ దర్శకత్వం వహిస్తున్న ఈ చిత్రాన్ని ఎస్‌ ఒరిజినల్స్‌, మూవీ వెర్స్‌ సంస్థలు నిర్మిస్తున్నాయి. తరుణ్‌భాస్కర్‌ సరసన ఈషారెబ్బా కథానాయికగా నటిస్తున్నది. ఈ చిత్రాన్ని శనివారం అధికారికంగా ప్రకటించారు.

ఈ సందర్భంగా కొత్త పోస్టర్‌ను విడుదల చేశారు. ఇందులో తరుణ్‌భాస్కర్‌, ఈషారెబ్బా రూరల్‌ గెటప్‌లో ఆకట్టుకుంటున్నారు. రాజమండ్రి పరిసర ప్రాంతాల్లో తొలి షెడ్యూల్‌ చిత్రీకరణ జరుపుతున్నామని, అక్టోబర్‌లో చిత్రాన్ని విడుదల చేస్తామని మేకర్స్‌ తెలిపారు. బ్రహ్మాజీ, శివన్నారాయణ, సురభి ప్రభావతి తదితరులు నటిస్తున్న ఈ చిత్రానికి కెమెరా: దీపక్‌, సంగీతం: జైక్రిష్‌, నిర్మాతలు: సృజన్‌ యరబోలు, వివేక్‌ కృష్ణని, సాధిక్‌, ఆదిత్య, దర్శకత్వం: సంజీవ్‌ ఆర్‌.