RRR | ఆర్ఆర్ఆర్ స్పెష‌ల్ షోకు గ్రీన్ సిగ్న‌ల్.. ఏ థియేట‌ర్ల‌లో తెలుసా?

ఆర్ఆర్ఆర్ మూవీకి సినిమా విడుద‌ల తేదీ 25 మార్చి 2022 నుంచి ఏప్రిల్ 3, 2022 వ‌ర‌కు ఉద‌యం 7 నుంచి రాత్రి ఒంటి గంట వ‌ర‌కు ఐదు షోలు

RRR | ప్ర‌పంచ‌మంతా ఆర్ఆర్ఆర్ సినిమా ఎప్పుడు రిలీజ్ అవుతుందా అని ఎదురు చూస్తోంది. ఇంకొన్ని గంట‌ల్లో థియేట‌ర్ల వ‌ద్ద ప్ర‌భంజ‌నం సృష్టించేందుకు ఆర్ఆర్ఆర్ మూవీ సిద్ధ‌మైపోయింది. ఇప్ప‌టికే ఆర్ఆర్ఆర్ సినిమా ఐదు షోల‌కు తెలంగాణ ప్ర‌భుత్వం ప‌ర్మిష‌న్ ఇచ్చిన విష‌యం తెలిసిందే. ఈనేప‌థ్యంలో కొన్ని థియేట‌ర్ల‌లో స్పెష‌ల్ షోకు కూడా గ్రీన్ సిగ్న‌ల్ ల‌భించింది.

ఆర్ఆర్ఆర్ మూవీకి సినిమా విడుద‌ల తేదీ 25 మార్చి 2022 నుంచి ఏప్రిల్ 3, 2022 వ‌ర‌కు ఉద‌యం 7 నుంచి రాత్రి ఒంటి గంట వ‌ర‌కు ఐదు షోలు వేసుకునేందుకు ప్ర‌భుత్వం ప‌ర్మిష‌న్ ఇచ్చింది.

అలాగే.. స్పెష‌ల్ షో విష‌య‌మై.. శ్రీవెంక‌టేశ్వర‌ ఫిలిమ్స్ తెలంగాణ ప్ర‌భుత్వానికి విన‌తి స‌మ‌ర్పించ‌గా.. తాజాగా తెలంగాణ హోం శాఖ స్పెష‌ల్ షోకు ప‌ర్మిష‌న్ ఇస్తూ ఉత్త‌ర్వులు జారీ చేసింది.

రేపు తెల్ల‌వారుజామున హైద‌రాబాద్‌లోని ఐదు థియేట‌ర్ల‌లో స్పెష‌ల్ షోకు ప‌ర్మిష‌న్ ఇచ్చింది. బ్ర‌మ‌రాంబ థియేట‌ర్ – కూక‌ట్‌ప‌ల్లి, మ‌ల్లికార్జున థియేట‌ర్ – కూక‌ట్ ప‌ల్లి, విశ్వ‌నాథ థియేట‌ర్ – కూక‌ట్ ప‌ల్లి, అర్జున్ థియేట‌ర్ – కూక‌ట్ ప‌ల్లి, శ్రీరాములు థియేట‌ర్ – మూసాపేట‌లో మాత్ర‌మే స్పెష‌ల్ షోకు ప‌ర్మిష‌న్ ఇచ్చింది.