Tamannaah Bhatia | దీపికా-వంగా ‘స్పిరిట్’ వివాదం.. ఇన్‌స్టా లైక్‌పై స్పందించిన తమన్నా

Deepika-Vanga ‘Spirit’ controversy | ప్రస్తుతం సినీ పరిశ్రమలో దీపికా పదుకొణె, దర్శకుడు సందీప్ రెడ్డి వంగా మధ్య 'స్పిరిట్' సినిమాకు సంబంధించి జరుగుతున్న వివాదం తీవ్ర చర్చకు దారి తీసిన విష‌యం తెలిసిందే.

Deepika-Vanga ‘Spirit’ controversy | ప్రస్తుతం సినీ పరిశ్రమలో దీపికా పదుకొణె, దర్శకుడు సందీప్ రెడ్డి వంగా మధ్య ‘స్పిరిట్’ సినిమాకు సంబంధించి జరుగుతున్న వివాదం తీవ్ర చర్చకు దారి తీసిన విష‌యం తెలిసిందే. ఈ నేపథ్యంలో నటి తమన్నా భాటియా ఇన్‌స్టాగ్రామ్‌లో దీపికకు మద్దతుగా ఉన్న ఒక రీల్‌ను అనుకోకుండా లైక్ చేయడంపై వివరణ ఇచ్చింది. ఇది ఇన్‌స్టాగ్రామ్ లోపం వల్ల జరిగిందే తప్ప, తాను ఉద్దేశపూర్వకంగా లైక్ చేయలేదని ఆమె స్పష్టం చేశారు.

‘స్పిరిట్’ వివాదం
ప్రభాస్ హీరోగా సందీప్ రెడ్డి వంగా దర్శకత్వంలో తెరకెక్కనున్న ‘స్పిరిట్’ చిత్రం నుంచి దీపికా పదుకొణె తప్పుకున్నారని గత కొన్ని రోజులుగా వార్తలు ప్రచారంలో ఉన్నాయి. దీనికి కారణం దీపిక పెట్టిన కొన్ని కఠినమైన షరతులేనని చెబుతున్నారు. రోజుకు ఆరు గంటలకు మించి షూటింగ్ చేయకపోవడం, అదనపు రోజులకు అదనపు పారితోషికం డిమాండ్ చేయడం వంటి షరతులు విధించారని సమాచారం. ఈ వివాదంపై సందీప్ రెడ్డి వంగా పరోక్షంగా దీపికను ఉద్దేశించి కొన్ని వ్యాఖ్యలు చేసినట్లు కూడా వార్తలు వచ్చాయి.

ఈ నేపథ్యంలో, మహిళలు వృత్తి జీవితంలో ఎదుర్కొనే లింగ వివక్ష, వేతన వ్యత్యాసాలు, అధిక పనిగంటల ఒత్తిడి వంటి అంశాలపై గతంలో దీపికా పదుకొణె తన ఆర్థిక స్వాతంత్ర్యం గురించి మాట్లాడిన ఒక పాత వీడియో క్లిప్‌తో కూడిన రీల్ ఒకటి ఇన్‌స్టాగ్రామ్‌లో వైరల్ అయింది. ఈ రీల్‌కు తమన్నా భాటియా లైక్ చేయడం గమనార్హం. దీనితో తమన్నా దీపికకు మద్దతు ఇస్తున్నారని, ఈ వివాదంలో దీపిక వైపు నిలిచారని నెటిజన్లు, సినీ వర్గాలు భావించాయి.

అయితే, ఈ లైక్ వెనుక ఉన్న అసలు కారణాన్ని తమన్నా భాటియా వెల్లడించారు. తాను ఉద్దేశపూర్వకంగా ఆ రీల్‌ను లైక్ చేయలేదని, అది అనుకోకుండా జరిగిందే అని స్పష్టం చేశారు. తన ఇన్‌స్టాగ్రామ్ స్టోరీలో ఒక స్మైలింగ్ సెల్ఫీని షేర్ చేస్తూ, “ఇన్‌స్టాగ్రామ్ దానంతటదే పేజీలను ఎలా లైక్ చేస్తుందో అర్థం చేసుకోగలదా? ఎందుకంటే కొందరు వ్యక్తులు ఈ విషయాన్ని వార్తలుగా మార్చి నాకు నిజంగా పని ఉంది” అని రాసుకొచ్చారు. ఇన్‌స్టాగ్రామ్ అల్గారిథమ్ లోపం వల్లే ఇది జరిగిందని ఆమె పరోక్షంగా చెప్పకనే చెప్పారు.

ఈ ఘటనతో తాను ఈ వివాదంలో ఎవరికీ మద్దతు ఇవ్వడం లేదని, కావాలనే ఆ రీల్‌ను లైక్ చేయలేదని తమన్నా తేల్చి చెప్పారు. ఈ ఘటనపై అనవసరమైన ఊహాగానాలు చేయవద్దని ఆమె కోరారు. గతంలో ఇలాంటి సంఘటనలు విరాట్ కోహ్లీ విషయంలోనూ జరిగాయని, అల్గారిథమ్ లోపాల వల్ల అనుకోకుండా లైక్‌లు పడతాయని గుర్తు చేస్తున్నారు.