నాగసాధువు దుష్ట సంహారం

అగ్ర కథానాయిక తమన్నా నటిస్తున్న సూపర్‌నేచురల్‌ థ్రిల్లర్‌ ‘ఓదెల-2’. ఇందులో ఆమె నాగసాధువు భైరవి పాత్రలో కనిపించనుంది. అశోక్‌తేజ దర్శకత్వం వహిస్తున్న ఈ చిత్రానికి అగ్ర దర్శకుడు సంపత్‌నంది క్రియేటర్‌గా వ్యవహరిస్తున్నారు.

అగ్ర కథానాయిక తమన్నా నటిస్తున్న సూపర్‌నేచురల్‌ థ్రిల్లర్‌ ‘ఓదెల-2’. ఇందులో ఆమె నాగసాధువు భైరవి పాత్రలో కనిపించనుంది. అశోక్‌తేజ దర్శకత్వం వహిస్తున్న ఈ చిత్రానికి అగ్ర దర్శకుడు సంపత్‌నంది క్రియేటర్‌గా వ్యవహరిస్తున్నారు. ఆయనే కథ, స్క్రీన్‌ప్లే, సంభాషణలందించారు. ఈ నెల 17న ప్రేక్షకుల ముందుకురానుంది.

మంగళవారం ముంబయిలో జరిగిన ఈవెంట్‌లో థియేట్రికల్‌ ట్రైలర్‌ను విడుదల చేశారు. ఓ దుష్టశక్తి నుంచి ఓదెల గ్రామానికి పొంచి ఉన్న ముప్పు గురించి తెలుసుకున్న అక్కడి ప్రజలు భయభ్రాంతులకు గురవుతారు. తమ జీవితాలను చీకటి కబళించబోతున్నదని ఆవేదన చెందుతారు. అలాంటి సమయంలో వారిని రక్షించడానికి నాగసాధువు గ్రామంలోకి ప్రవేశిస్తుంది. చెడుని ఎదుర్కోవాలని ప్రతిజ్ఞ చేస్తుంది.

ఈ నేపథ్యంలో నడిచే పరిణామాలతో టీజర్‌ ఆద్యంతం ఉత్కంఠభరితంగా సాగింది. నాగసాధువుగా తమన్నా నటన, విజువల్‌ ఎఫెక్ట్స్‌ హైలైట్‌గా నిలిచాయి. హెబ్బా పటేల్‌, వశిష్ట ఎన్‌ సింహ, యువ తదితరులు నటించిన ఈ చిత్రానికి సంగీతం: అజనీష్‌ లోక్‌నాథ్‌, నిర్మాణం: మధు క్రియేషన్స్‌, సంపత్‌నంది టీమ్‌ వర్క్స్‌, దర్శకత్వం: అశోక్‌తేజ.