ఆ మాట విని షాకయ్యా!

కెరీర్‌ తొలినాళ్లలో ఎదురైన చేదు అనుభవాలను ఓ ఇంటర్వ్యూలో గుర్తుచేసుకున్నారు బాలీవుడ్‌ భామ తాప్సీ పన్ను. హీరోయిన్‌గా ఎన్నుకొని, అర్థంలేని కారణాలతో తనను తొలగించిన సందర్భాలు చాలా ఉన్నాయని తాప్సీ గుర్తు చేసుకున్నారు. ఆమె మాట్లాడుతూ ‘కెరీర్‌ తొలినాళ్లలో ఓ సినిమాకు సైన్‌ చేశాను. మరుసటి రోజే షూటింగ్‌.

కెరీర్‌ తొలినాళ్లలో ఎదురైన చేదు అనుభవాలను ఓ ఇంటర్వ్యూలో గుర్తుచేసుకున్నారు బాలీవుడ్‌ భామ తాప్సీ పన్ను. హీరోయిన్‌గా ఎన్నుకొని, అర్థంలేని కారణాలతో తనను తొలగించిన సందర్భాలు చాలా ఉన్నాయని తాప్సీ గుర్తు చేసుకున్నారు. ఆమె మాట్లాడుతూ ‘కెరీర్‌ తొలినాళ్లలో ఓ సినిమాకు సైన్‌ చేశాను. మరుసటి రోజే షూటింగ్‌. ఉన్నట్టుండి ‘మిమ్మల్ని హీరోయిన్‌గా తప్పించాల్సి వచ్చింది’ అంటూ ఫోన్‌. కారణం అడిగితే. ‘హీరో భార్యకు నువ్వు నచ్చలేదు..’ అని చెప్పారు.

ఆ మాట విని షాకయ్యాను. ఇంకోసారి హీరోగారికి నేను నచ్చలేదంట. అందుకని తప్పించారు. బహుశా ఆయనకు వేరే హీరోయిన్‌తో కలిసి నటించాలని ఉండటం వల్ల అలా జరిగి ఉండవచ్చు. మరోసారైతే.. నన్ను సినిమా నుంచి తప్పిస్తున్న విషయం నాకంటే మీడియాకే ముందు తెలిసింది. ఆ తర్వాత చిత్రబృందం నుంచి నాకు ఫోన్‌ వచ్చింది. కారణం మాత్రం ఇప్పటికీ తెలియదు. ఇలా తొలినాళ్లలో చాలా ఎదురుదెబ్బలు రుచిచూశా’ అని చెప్పారు తాప్సీ.