Jolly Bastian | ప్ర‌ముఖ స్టంట్ మాస్ట‌ర్ క‌న్నుమూత‌

దాదాపు 900కుపైగా ద‌క్షిణాది సినిమాలకు ప‌నిచేసిన ప్ర‌ముఖ క‌న్న‌డ స్టంట్ మాస్ట‌ర్ జాలీ బాస్టియ‌న్ (Jolly Bastian) గుండెపోటుతో బెంగ‌ళూర్‌లోని త‌న నివాసంలో తుదిశ్వాస విడిచారు.

బెంగ‌ళూర్ : దాదాపు 900కుపైగా ద‌క్షిణాది సినిమాలకు ప‌నిచేసిన ప్ర‌ముఖ క‌న్న‌డ స్టంట్ మాస్ట‌ర్ జాలీ బాస్టియ‌న్ (Jolly Bastian) గుండెపోటుతో బెంగ‌ళూర్‌లోని త‌న నివాసంలో తుదిశ్వాస విడిచారు. కేర‌ళ‌లోని అలెప్పీలో జ‌న్మించిన జాలీ బాస్టియ‌న్ (57) బెంగ‌ళూర్‌లో స్ధిరప‌డ్డారు. యాక్ష‌న్ కొరియోగ్రాఫ‌ర్‌గా పేరొందిన జాలీ బాస్టియ‌న్ మ‌ర‌ణం సినీ ప‌రిశ్ర‌మలో ప్ర‌తి ఒక్క‌రినీ దిగ్ర్భాంతికి గురిచేసింది.

త‌న తండ్రి, తాత అడుగుజాడ‌ల్లో మెకానిక్‌గా కెరీర్‌ను ప్రారంభించిన జాలీ మాస్ట‌ర్ భారీ బైక్‌ల‌పై పెర్ఫామెన్స్‌ను ఆస్వాదించేవారు. ర‌విచంద్ర‌న్ తొలి సినిమా 1987లో విడుద‌లైన ప్రేమ‌లోక‌తో త‌న 17వ ఏట‌నే స్టంట్ మ‌న్‌గా జాలీ త‌న కెరీర్‌ను ప్రారంభించాడు. 2013లో నిన‌గాగి క‌దిరువెతో ఆయ‌న ద‌ర్శ‌కుడిగానూ అరంగేట్రం చేశారు. జాలీ బాస్టియ‌న్ క‌ర్నాట‌క స్టంట్ డైరెక్ట‌ర్స్‌, ప్రొఫెష‌న‌ల్స్ అసోసియేష‌న్ అధ్యక్షుడిగానూ వ్య‌వ‌హ‌రించారు.

24 ఈవెంట్స్ అనే ఆర్కెస్ట్రా గ్రూప్‌ను నడిపిన జాలీ మంచి గాయ‌కుడు కూడా కావ‌డం విశేషం. త‌న కెరీర్‌లో ప‌లుమార్లు గాయాల‌కు గురైన జాలీ ఆపై కోలుకున్న వెంట‌నే తిరిగి షూటింగ్‌ల‌కు హాజ‌ర‌య్యేవాడు. జాలీ మ‌ర‌ణం ప‌ట్ల న‌టుడు దుల్క‌ర్ స‌ల్మాన్ తీవ్ర సంతాపం వ్య‌క్తం చేశారు. ఆర్ఐపీ జాలీ మాస్ట‌ర్‌, మీరు ఎప్పుడూ న‌వ్వుతూ, అంద‌రినీ ప్రోత్స‌హిస్తూ ద‌య‌తో వ్య‌వ‌హ‌రించేవార‌ని ఈ సంద‌ర్భంగా ఆయ‌న ట్విట్ట‌ర్ వేదిక‌గా గుర్తుచేసుకున్నారు. దుల్క‌ర్ స‌ల్మాన్‌, జాలీ మాస్ట‌ర్ గ‌తంలో 2014లో బెంగ‌ళూర్ డేస్ మూవీకి క‌లిసి ప‌నిచేశారు.

Read More :

Viral Video | కంటి చికిత్స చేస్తూ వృద్ధురాలిని కొట్టిన డాక్ట‌ర్