Bhag Sale | నవ్వించడమే లక్ష్యం : హీరో శ్రీసింహా కోడూరి

‘దర్శకుడు రాజమౌళితో సినిమా చేయాలని అందరికీ ఓ కల ఉంటుంది. నాకు వుంది. అయితే చనువు ఉంది కదా? అని ఛాన్స్‌లు అడగలేను. ముందు నేను చాలా నేర్చుకోవాలి. ఆ తరువాత ఆయనకు ఓకే అనుకుంటే తీసుకుంటారు’ అన్నారు హీరో శ్రీసింహా కోడూరి.

‘దర్శకుడు రాజమౌళితో సినిమా చేయాలని అందరికీ ఓ కల ఉంటుంది. నాకు వుంది. అయితే చనువు ఉంది కదా? అని ఛాన్స్‌లు అడగలేను. ముందు నేను చాలా నేర్చుకోవాలి. ఆ తరువాత ఆయనకు ఓకే అనుకుంటే తీసుకుంటారు’ అన్నారు హీరో శ్రీసింహా కోడూరి. ఆయన హీరోగా నటిస్తున్న చిత్రం ‘భాగ్‌ సాలే’. ప్రణీత్‌ బ్రహ్మాండపల్లి దర్శకుడు. అర్జున్‌ దాస్యన్‌, యష్‌ రంగినేని, కళ్యాణ్‌ సింగనమల నిర్మించారు. ఈ చిత్రం రేపు ప్రేక్షకుల ముందుకు రానుంది. ఈ సందర్భంగా హీరో శ్రీసింహా మీడియాతో ముచ్చటించారు.

ఆయన మాట్లాడుతూ ‘మేము ఏదో సందేశాన్ని ఇవ్వాలని ఈ సినిమా చేయలేదు. థియేటర్‌కు వచ్చిన ప్రేక్షకుడిని నవ్వించాలని చేశాం. ఇప్పటికే కొన్ని చోట్ల షోలు వేశాం. వచ్చిన ప్రేక్షకులు హాయిగా నవ్వుకుని బయటకు వచ్చారు. అందరినీ ఎంటర్‌టైన్‌ చేసేలా ఈ సినిమా వుంటుంది. టీజర్‌, ట్రైలర్‌ నచ్చితేనే జనాలకు సినిమాలపై ఆసక్తి కలుగుతుంది. ఇంత వరకు నేను నటించిన ఏ సినిమాకు రాని బజ్‌ ఈ సినిమాకు వచ్చింది. వర్డ్‌ ఆఫ్‌ మౌత్‌ వల్ల సినిమా బాగా ఆడుతుందనే నమ్మకం వుంది. కాలభైరవ అందించిన నేపథ్య సంగీతం వల్ల ఈ సినిమా మరోస్థాయికి వెళ్లింది. ఈ సినిమాకు సంగీతమే మెయిన్‌ పిల్లర్‌. క్రైమ్‌ కామెడీ జానర్‌లో తీసిన పక్కా కమర్షియల్‌ ఎంటర్‌టైనర్‌ ఇది. తప్పకుండా ఈ చిత్రం హీరోగా నాకు మరింత పేరును తెచ్చిపెడుతుందనే నమ్మకం వుంది’ అన్నారు.