Visit:
Sreeleela | ‘పుష్ప-2’లోని ‘కిస్సిక్‌..’ పాటతో బాలీవుడ్‌లోనూ అభిమానుల్ని సంపాదించుకున్నది అందాలభామ శ్రీలీల. అక్కడి నిర్మాతల కన్ను ఇప్పుడు ఈ తెలుగందంపై పడింది. ఇప్పటికే అక్కడ రెండు సినిమాలకు ఓకే చేసింది. త్వరలో మరో సినిమా చేయనున్నట్టు తెలుస్తున్నది.
ప్రముఖ బాలీవుడ్‌ నిర్మాణ సంస్థ మాడాక్‌ ఫిల్మ్స్‌ ఆఫీస్‌లో బాలీవుడ్‌ నటుడు సైఫ్‌ అలీఖాన్‌ కుమారుడు ఇబ్రహీం అలీఖాన్‌తో శ్రీలీల మీడియాకు కనిపించిందట. దాంతో వీరిద్దరి కాంబినేషన్‌లో త్వరలోనే సినిమా రానున్నదని బీటౌన్‌ మీడియాలో కథనాలు వెలువడుతున్నాయి. మాడాక్‌ ఫిల్మ్స్‌ బ్యానర్‌పై ఈ చిత్రం తెరకెక్కనున్నదని, దర్శకుడు, ఇతర వివరాలు తెలియాల్సివుందని వార్తలు వండేస్తున్నది బాలీవుడ్‌ మీడియా.
