Visit:
Sonu Sood | బాలీవుడ్ నటుడు సోనూ సూద్ తన దాతృత్వంతో మరోసారి వార్తల్లో నిలిచాడు. ఆర్థిక ఇబ్బందులు, చెక్ బౌన్స్ కేసులో అరెస్ట్ అయ్యి జైలుకు వెళ్లిన నటుడు రాజ్పాల్ యాదవ్కు తాను అండగా ఉంటానని సోన్సూద్ ప్రకటించాడు. ఈ సందర్భంగా ఎక్స్ వేదికగా పోస్ట్ పెట్టాడు. రాజ్పాల్ యాదవ్ మన పరిశ్రమకు ఎన్నో ఏళ్లుగా మర్చిపోలేని అద్భుతమైన పాత్రలను అందించాడు. కొన్నిసార్లు ప్రతిభ ఉన్నప్పటికీ, సమయం అనుకూలించక జీవితం ఇలాంటి కఠిన పరీక్షలు పెడుతుందని ఆయన ఆవేదన వ్యక్తం చేశారు. తన తదుపరి చిత్రంలో రాజ్పాల్ యాదవ్కు అవకాశం కల్పిస్తున్నట్లు ఈ సందర్భంగా సోనూ సూద్ వెల్లడించారు.
ఈ కష్టసమయంలో నిర్మాతలు, దర్శకులు మరియు సహచర నటులందరూ కలిసికట్టుగా నిలబడాల్సిన సమయం ఆసన్నమైందని.. భవిష్యత్తులో చేయబోయే పని కోసం ఇచ్చే ముందస్తు అడ్వాన్స్ (Signing Amount) అనేది దాతృత్వం కాదని, అది ఒక నటుడి గౌరవాన్ని కాపాడటమేనని సోనూ సూద్ పేర్కొన్నారు. మన పరిశ్రమలోని వ్యక్తి ఇలాంటి గడ్డు కాలాన్ని ఎదుర్కొంటున్నప్పుడు, తను ఒంటరి కాదని గుర్తు చేయాల్సిన బాధ్యత మన అందరిపై ఉందని ఆయన గుర్తు చేశారు. మనం కేవలం ఒక గ్లామర్ పరిశ్రమ మాత్రమే కాదు, ఒకరికొకరు తోడుగా నిలిచే కుటుంబం అని నిరూపించుకోవాలని సోనూ సూద్ రాసుకోచ్చాడు.
Rajpal Yadav is a gifted actor who has given years of unforgettable work to our industry. Sometimes life turns unfair, not because of talent, but because timing can be brutal. He will be part of my film, and I believe this is the moment for all of us..producers, directors,…
— sonu sood (@SonuSood) February 10, 2026
