టిల్లు స్క్వైర్‌ గ్లింప్స్‌ రిలీజ్‌.. మళ్లీ రాధిక మ్యాజిక్‌ రిపీట్ కానుందా!

‘డీజే టిల్లూ’గా సిద్ధు జొన్నలగడ్డ చూపించిన గ్రేసూ, హైపర్‌ యాక్టీవ్‌నెస్‌ జనాలకు విపరీతంగా నచ్చేసింది. ఆ తరహా పాత్ర అంటే తానే గుర్తొచ్చేంత గొప్పగా నటించారు సిద్ధు. అందుకే ‘టిల్లు స్కేర్‌'కి అంత హైప్‌. ఈ సినిమా ప్రమోషన్‌లో భాగంగా ఇప్పటికే విడుదల చేసిన రెండు పాటలకు విశేషమైన స్పందన లభిస్తున్నది.

‘డీజే టిల్లూ’గా సిద్ధు జొన్నలగడ్డ చూపించిన గ్రేసూ, హైపర్‌ యాక్టీవ్‌నెస్‌ జనాలకు విపరీతంగా నచ్చేసింది. ఆ తరహా పాత్ర అంటే తానే గుర్తొచ్చేంత గొప్పగా నటించారు సిద్ధు. అందుకే ‘టిల్లు స్కేర్‌’కి అంత హైప్‌. ఈ సినిమా ప్రమోషన్‌లో భాగంగా ఇప్పటికే విడుదల చేసిన రెండు పాటలకు విశేషమైన స్పందన లభిస్తున్నది. సిద్ధు జొన్నలగడ్డ పుట్టినరోజు సందర్భంగా ఈ సినిమాకు సంబంధించిన గ్లింప్స్‌ని మేకర్స్‌ విడుదల చేశారు.

రాత్రి సమయంలో కారు నడుపుతూ లిల్లీ పాత్రలో ఉన్న అనుపమ పరమేశ్వరన్‌ నుంచి ముద్దును పొందడం, తన గత పుట్టినరోజు గురించి లిల్లీ అడగగా రాధికతో జరిగిన సంఘటనలను గుర్తు చేసుకోవడం ఈ గ్లింప్స్‌లో హైలైట్స్‌. ప్రేమికులరోజు సందర్భంగా ఈ నెల 14న ఈ సినిమా ట్రైలర్‌ని విడుదల చేయనున్నట్టు మేకర్స్‌ ప్రకటించారు. మల్లిక్‌రామ్‌ దర్శకత్వంలో సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ ఈ చిత్రాన్ని నిర్మిస్తున్న విషయం తెలిసిందే.

ఇదిలావుంటే.. ఈ సినిమా తర్వాత బొమ్మరిల్లు భాస్కర్‌ దర్శకత్వంలో ఓ సినిమా చేస్తున్నారు సిద్ధూ. ఆ సినిమాకు ‘జాక్‌’ అనే టైటిల్‌ని ఖరారు చేశారు. ‘కొంచెం క్రాక్‌’ అనేది ఉపశీర్షిక. బీవీఎస్‌ఎన్‌ ప్రసాద్‌ నిర్మాత. ఈ సినిమా మోషన్‌ పోస్టర్‌ని కూడా సిద్ధు పుట్టిన రోజు సందర్భంలోనే మేకర్స్‌ విడుదల చేశారు. ఈ సినిమాలోని సిద్ధూ పాత్ర చిత్రణ ఎలా ఉంటుందో చెప్పకనే చెప్పేలా ఉంది ఈ పోస్టర్‌. డబుల్‌ గన్‌.. డబుల్‌ ఫన్‌ అనేలా ఈ చిత్రం ఉండబోతుందని, యువతరంతోపాటు ఫ్యామిలీ ఆడియన్స్‌కి కూడా నచ్చేలా బొమ్మరిల్లు భాస్కర్‌ ఈ చిత్రాన్ని తెరకెక్కిస్తున్నారని నిర్మాత చెప్పారు.