Visit:
అగ్ర కథానాయకుడు నందమూరి బాలకృష్ణ ప్రస్తుతం కథలు వింటూ బిజీబిజీగా ఉన్నారు. టాలీవుడ్ దర్శకులే కాక, తమిళ, మలయాళ, కన్నడ దర్శకులు సైతం ప్రస్తుతం బాలయ్య ఇంటి ముందు కథలు చెప్పేందుకు క్యూ కడుతున్నారు. ఈ నేపథ్యంలో తాజాగా టాలీవుడ్ డైరెక్టర్ హరీశ్శంకర్ ఓ కథను బాలకృష్ణకు వినిపించారట. నటసింహానికి సైతం ఆ కథ బాగా నచ్చిందట.
త్వరలోనే ఈ సినిమాకు సంబంధించిన అధికారిక ప్రకటన రానున్నట్టు సమాచారం. మలినేని గోపీచంద్ దర్శకత్వంలో బాలయ్య నటించనున్న ‘NBK 111’ సినిమా షూటింగ్ మార్చి 5న మొదలు కానుంది. ఈ సినిమా నిర్మాణంలో ఉండగానే హరీశ్శంకర్ సినిమాను కూడా పట్టాలెక్కించాలనే ఆలోచనలో బాలకృష్ణ ఉన్నారట. సూర్యదేవర నాగవంశీ ఈ చిత్రాన్ని నిర్మించనున్నట్టు తెలిసింది.
