Visit:
Sharwanand | యంగ్ హీరో శర్వానంద్ తన కెరీర్‌లో విభిన్నమైన పాత్రలతో ప్రేక్షకులను ఆకట్టుకుంటూ వస్తున్నాడు. ఫ్యామిలీ, యూత్‌ఫుల్ సినిమాలతో గుర్తింపు తెచ్చుకున్న ఆయన ఇటీవల ‘మనమే’ సినిమాతో ప్రేక్ష‌కుల‌ని ప‌ల‌క‌రించాడు. ఈ సినిమా ఆశించిన స్థాయిలో హిట్ కాలేదు. ఇప్పుడు బౌన్స్ బ్యాక్ అవ్వాలని శర్వా ఫోక‌స్ పెట్టాడు. దీపావళి సందర్భంగా విడుదలైన తన కొత్త సినిమా ‘బైకర్’ (Biker) టైటిల్ పోస్టర్‌, ఫస్ట్ లుక్ సోషల్ మీడియాలో వైరల్‌గా మారాయి. యూవీ క్రియేషన్స్ బ్యానర్‌పై నిర్మితమవుతున్న ఈ చిత్రానికి అభిలాష్ కన్కరా దర్శకత్వం వహిస్తున్నారు.
ఈ సినిమాలో శర్వానంద్ ప్రొఫెషనల్ మోటార్‌సైకిల్ రేసర్‌గా కనిపించబోతున్నారు. ఈ పాత్ర కోసం ఆయన చేసిన ఫిజికల్ ట్రాన్స్ఫర్మేషన్ నిజంగా ప్రశంసనీయమైంది. ఇటీవల విడుదలైన ఫోటోషూట్ చిత్రాల్లో షర్ట్‌లెస్‌గా కనిపించిన శర్వా తన సిక్స్‌ప్యాక్ యాబ్స్‌తో అందరినీ షాక్‌కు గురి చేశాడు. సాధారణంగా “చాకొలేట్ బాయ్” ఇమేజ్‌తో ఉండే శర్వా, ఈసారి మాస్ అండ్ ఇంటెన్స్ లుక్‌తో కొత్త ఇంప్రెషన్ సృష్టించాడు. ఫ్యాన్స్ సోషల్ మీడియాలో “శర్వా లుక్ మైండ్ బ్లోయింగ్!”, “అనుకోని ట్రాన్స్ఫర్మేషన్!” అంటూ కామెంట్స్‌తో ముంచెత్తుతున్నారు.
ఈ లుక్ కోసం శర్వానంద్ నెలల తరబడి కఠినమైన జిమ్ వర్కౌట్స్‌, కంట్రోల్డ్ డైట్ పాటించారని యూనిట్ వర్గాలు చెబుతున్నాయి. ఆ క్రమశిక్షణ, డెడికేషన్ ఫలితంగా ఈ ఫిట్ అండ్ ఫియర్స్ లుక్ వచ్చిందని ఫిట్‌నెస్ ఎక్స్‌పర్ట్స్ కూడా ప్రశంసిస్తున్నారు. ఇక శర్వానంద్ న‌టిస్తున్న బైకర్ చిత్రంలో హీరోయిన్‌గా మాళవిక నాయర్ నటిస్తోంది. బ్రహ్మాజీ, అతుల్ కులకర్ణి ముఖ్య పాత్రల్లో కనిపించనున్నారు. జి. యువరాజ్ సినిమాటోగ్ర‌ఫీని అందిస్తుండ‌గా, సంగీతం: ఘిబ్రాన్, ఎడిటింగ్: అనిల్ కుమార్ పి, ఆర్ట్ డైరెక్షన్: ఏ. పన్నీర్ సెల్వం, ప్రొడక్షన్ డిజైన్: రాజీవన్, ఎగ్జిక్యూటివ్ ప్రొడ్యూసర్: ఎన్. సందీప్. శర్వానంద్ చివరిసారి సూపర్‌హిట్ అందుకున్నది “శతమానం భవతి”, “మహానుభావుడు చిత్రాల‌తో. ఇప్పుడు ‘బైకర్’తో మరోసారి మంచి హిట్ కొట్టాలని అభిమానులు ఆశిస్తున్నారు. ఫస్ట్ లుక్‌తోనే పాజిటివ్ వైబ్స్‌ క్రియేట్ చేసిన ఈ సినిమా షూటింగ్ దశలో ఉంది.
