Visit:
Karthi | ‘కె.బాలచందర్‌, కె.విశ్వనాథ్‌, దాసరి, కమల్‌హాసన్‌ లాంటి గొప్పవారికి మనం థాంక్స్‌ చెప్పుకోవాలి. ఎందుకంటే.. చిన్నప్పుడే ఈ తరహా సినిమాలను మనకు వారు చూపించేశారు. ఈ కైండ్‌ ఆఫ్‌ సినిమాను మన లోపల పెట్టారు. ఇలాంటి ఎమోషన్స్‌ని మిస్‌ అవుతున్నామని, మళ్లీ ఆ ఎమోషన్స్‌ని తీసుకొచ్చారని అందరూ అంటుంటే చాలా ఆనందంగా ఉంది.
షరతులు లేని ప్రేమను తెరపై ఆవిష్కరించిన డైరెక్టర్‌ ప్రేమ్‌కుమార్‌ని అభినందించకుండా ఉండలేకపోతున్నా’ అని హీరో కార్తీ అన్నారు. ఆయనా, అరవిందస్వామి లీడ్‌ రోల్స్‌ చేసిన చిత్రం ‘సత్యం సుందరం’. ‘96’ఫేం ప్రేమ్‌కుమార్‌ దర్శకత్వంలో జ్యోతిక, సూర్య నిర్మించిన ఈ చిత్రం తెలుగు, తమిళ భాషల్లో గత నెల 28న విడుదలై విజయవంతంగా ప్రదర్శింపబడుతున్నది. ఈ సందర్భంగా మంగళవారం హైదరాబాద్‌లో సక్సెస్‌మీట్‌ని నిర్వహించారు. ఇంకా దర్శకుడు సి.ప్రేమ్‌కుమార్‌, హీరోయిన్‌ శ్రీదివ్య, రచయిత రాకేందుమౌళి కూడా మాట్లాడారు.
