లాయర్‌ తిమ్మరుసు

సత్యదేవ్‌, ప్రియాంక జవాల్కర్‌ జంటగా నటిస్తున్న చిత్రం ‘తిమ్మరుసు’. ‘అసైన్‌మెంట్‌ వాలి’ ఉపశీర్షిక. ఈస్ట్‌కోస్ట్‌ ప్రొడక్షన్స్‌, ఎస్‌ ఒరిజినల్స్‌ పతాకాలపై మహేష్‌ కోనేరు, సృజన్‌ ఎరబోలు నిర్మిస్తున్నారు. శరణ్‌ కొప్పిశెట్టి దర్శకుడు. మే 21న సినిమా విడుదలకానుంది. నిర్మాతలు మాట్లాడుతూ ‘వాణిజ్య హంగులు, వినోదం కలబోతగా రూపొందుతున్న చిత్రమిది. తిమ్మరుసు అనే లాయర్‌ జీవితగమనంలో ఎదురయ్యే సంఘటనలు ఆకట్టుకుంటాయి. చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి. ఇటీవల విడుదలైన టీజర్‌కు చక్కటి స్పందన లభిస్తోంది’ అని తెలిపారు. బ్రహ్మాజీ, అజయ్‌, అల్లరి రవిబాబు, అంకిత్‌, ప్రవీణ్‌ ప్రధాన పాత్రల్లో నటిస్తున్న ఈ చిత్రానికి సంగీతం: శ్రీచరణ్‌ పాకాల.

ఇవి కూడా చ‌ద‌వండి:

ఆ క్షణం కళ్లల్లో నీళ్లు తిరిగాయి

ఏడేండ్లు నిరీక్షించాను

కంచికి చేరిన కథ