Sarath Babu | ప్రముఖ సినీ నటుడు శరత్ బాబు (Sarath Babu) అస్వస్థతకు లోనైన విషయం తెలిసిందే. ఆయనను ఈ నెల 20న హైదరాబాద్లోని ఏసియన్ ఇనిస్టిట్యూట్ ఆఫ్ గ్యాస్ట్రో ఎంటరాలజీలో చేర్పించారు. అయితే శరత్ బాబు ఆరోగ్యంపై తాజా అప్డేట్ ఒకటి బయటకు వచ్చింది. శరత్ బాబు ఆరోగ్యం విషమంగానే ఉన్నట్టు సమాచారం. శరీరం మొత్తం ఇన్ఫెక్షన్ కావడంతో ఆ ప్రభావం కిడ్నీలు, ఊపిరితిత్తులు, కాలేయంతోపాటు ఇతర అవయవాలపై పడ్డట్టు ఆస్పత్రి వర్గాలు వెల్లడించాయి.
ప్రస్తుతం శరత్బాబుకు ఐసీయూలో వెంటిలేటర్పైనే చికిత్సనందిస్తున్నామని డాక్టర్లు తెలిపారు.
అనారోగ్యంతో కొన్ని రోజులుగా బెంగళూరులోని ఆస్పత్రిలో చికిత్స పొందుతున్న శరత్ బాబును మెరుగైన వైద్యం కోసం కుటుంబ సభ్యులు హైదరాబాద్లోని ఏసియన్ ఇన్స్టిట్యూట్ ఆఫ్ గ్యాస్ట్రో ఎంటరాలజీ (AIG Hospital)లో జాయిన్ చేశారు. శరత్బాబు త్వరగా కోలుకోవాలని సినీ ప్రముఖులు, అభిమానులు దేవుడిని ప్రార్థిస్తున్నారు.
తెలుగు, తమిళం, మలయాళ, కన్నడ భాషల్లో చాలా సినిమాల్లో నటించిన శరత్బాబు విభిన్న పాత్రలు పోషించారు. శరత్బాబు 2021లో పవన్ కల్యాణ్ నటించిన వకీల్సాబ్లో డిసిప్లీన్ కమిటీ ఛైర్మన్గా కనిపించారు. ఈ ఏడాది బాబీ సింహా లీడ్ రోల్లో నటించిన వసంత కోకిల చిత్రంలో నటించారు.
Read Also :
Captain Miller | ధనుష్ కెప్టెన్ మిల్లర్లో ఆర్ఆర్ఆర్ యాక్టర్
Custody | కస్టడీ నుంచి Timeless Love లిరికల్ వీడియో సాంగ్
Vishal 34 | విశాల్ 34 లాంఛ్.. ఇంట్రెస్టింగ్ అనౌన్స్ మెంట్ పోస్టర్