ఓ తరాన్ని అర్థం చేసుకోవాలంటే సమయం కావాలి!

‘ఒకప్పుడు థియేటర్‌కు వెళ్లగానే సినిమా ప్రపంచంలోకి వెళ్లిన ఫీలింగ్‌. ఇప్పుడు ఓటీటీ రూపంలో మన ప్రపంచంలోకి సినిమా వచ్చి చేరింది. థియేటర్‌లో ప్రేక్షకుడు తన దృష్టిని సెల్‌ఫోన్‌పై పోనీయకుండా ఏం చేయాలన్నదే ఇప్పుడు ఫిల్మ్‌ మేకర్స్‌ ముందున్న అతిపెద్ద సవాలు’ అన్నారు ప్రముఖ దర్శకుడు ఇంద్రగంటి మోహనకృష్ణ.

‘ఒకప్పుడు థియేటర్‌కు వెళ్లగానే సినిమా ప్రపంచంలోకి వెళ్లిన ఫీలింగ్‌. ఇప్పుడు ఓటీటీ రూపంలో మన ప్రపంచంలోకి సినిమా వచ్చి చేరింది. థియేటర్‌లో ప్రేక్షకుడు తన దృష్టిని సెల్‌ఫోన్‌పై పోనీయకుండా ఏం చేయాలన్నదే ఇప్పుడు ఫిల్మ్‌ మేకర్స్‌ ముందున్న అతిపెద్ద సవాలు’ అన్నారు ప్రముఖ దర్శకుడు ఇంద్రగంటి మోహనకృష్ణ.

ఆయన నిర్ధేశకత్వంలో ప్రియదర్శి కథానాయకుడిగా శివలెంక కృష్ణప్రసాద్‌ నిర్మించిన ‘సారంగపాణి జాతకం’ ఈ నెల 25న ప్రేక్షకుల ముందుకురానుంది. ఈ సందర్భంగా శనివారం ఇంద్రగంటి మోహనకృష్ణ పాత్రికేయులతో ముచ్చటిస్తూ పంచుకున్న విశేషాలు..

• ‘సారంగపాణి జాతకం’ పూర్తిస్థాయి వినోదాత్మక చిత్రం. సినిమా చూసి ఇంటికి వెళ్లాక కూడా నాలుగైదు రోజులు పాత్రలు, డైలాగ్స్‌ గురించి మాట్లాడుకుంటారు. ప్రతీ అంశంలో నాకు పూర్తి సంతృప్తినిచ్చిన సినిమా ఇది.
• జాతకాల విషయంలో నేను మధ్యేవాదిని. నాకు చెప్పిన కొన్ని జోస్యాలు ఫలించాయి. కొన్నిసార్లు విఫలమయ్యాయి. ఈ సినిమాలో నేను జాతకాల ప్రామాణికతను అస్సలు ప్రశ్నించడం లేదు. నమ్మకం అన్నది మనిషికి బలాన్నిచ్చేదిగా ఉండాలి. అయితే అది మూఢనమ్మకంగా మారినప్పుడు మనుషుల్ని బలహీనపరుస్తుంది. దానివల్ల అతని చుట్టూ వున్న వారి జీవితాలు కూడా ప్రభావితమవుతాయి. ఏ నమ్మకమైనా మనిషిని సన్మార్గంవైపు నడిపించాలి… వాళ్లను పిచ్చోళ్లను చేయకూడదనే అంశాన్ని హాస్యప్రధానంగా చూపించాను.
• తరం మారుతున్నప్పుడు వారి ఆలోచనాధోరణిని, సెన్సిబిలిటీస్‌ను అర్థం చేసుకోవడానికి కొంత సమయం పడుతుంది. ప్రస్తుతం నేను అదే ప్రాసెస్‌లో ఉన్నా. నేను ఎంజాయ్‌ చేస్తూ ప్రేక్షకుల్ని ఆనందపరచగలిగే జోనర్‌ కామెడీ. నా గత చిత్రాల్లోనూ మంచి హాస్యం ఉంది. అయితే ఈసారి నాటితరంతో పాటు నేటితరం ప్రేక్షకులనూ మెప్పించాలనే తపనతో ఈ సినిమా చేశా. మనం ప్రతీసారి గెలవలేము. నాన్‌స్టాప్‌ సక్సెస్‌ ఎవరికీ ఉండదు. అయినా ప్రయత్నిస్తూ ముందుకెళ్లాలన్నదే నా ఫిలాసఫీ.