Samantha | మరోసారి హాట్ టాపిక్‌గా మారిన స‌మంత-రాజ్ జంట .. భ‌ర్త గురించి గొప్ప‌గా చెప్పిన సామ్

Samantha | స్టార్ హీరోయిన్ సమంత, దర్శకుడు రాజ్ నిడిమోరు పర్సనల్ గానే కాదు, ప్రొఫెషనల్ గానూ పవర్‌ఫుల్ కపుల్‌గా నిలుస్తున్నారు. సినిమాలు, వెబ్ సిరీస్‌లతో ఇప్పటికే తమ కెమిస్ట్రీని నిరూపించుకున్న ఈ జంట, తాజాగా ‘మా ఇంటి బంగారం’ సినిమాతో మరోసారి వార్తల్లో నిలిచింది. లాంగ్ గ్యాప్ తర్వాత సమంత లీడ్ రోల్‌లో నటిస్తున్న ఈ చిత్రానికి నందినీ రెడ్డి దర్శకత్వం వహిస్తున్నారు

Samantha | స్టార్ హీరోయిన్ సమంత, దర్శకుడు రాజ్ నిడిమోరు పర్సనల్ గానే కాదు, ప్రొఫెషనల్ గానూ పవర్‌ఫుల్ కపుల్‌గా నిలుస్తున్నారు. సినిమాలు, వెబ్ సిరీస్‌లతో ఇప్పటికే తమ కెమిస్ట్రీని నిరూపించుకున్న ఈ జంట, తాజాగా ‘మా ఇంటి బంగారం’ సినిమాతో మరోసారి వార్తల్లో నిలిచింది. లాంగ్ గ్యాప్ తర్వాత సమంత లీడ్ రోల్‌లో నటిస్తున్న ఈ చిత్రానికి నందినీ రెడ్డి దర్శకత్వం వహిస్తున్నారు.ట్రాలాలా మూవింగ్ పిక్చర్స్ బ్యానర్‌పై సమంతతో పాటు రాజ్ నిడిమోరు, హిమాంక్ దువ్వూరు కలిసి నిర్మిస్తుండటం విశేషం. అంటే ఈ ప్రాజెక్ట్‌లో సమంత, రాజ్ ఇద్దరూ నటనతో పాటు నిర్మాణంలోనూ భాగస్వామ్యం వహిస్తున్నారు. దీంతో ఈ సినిమాపై అంచనాలు మరింత పెరిగాయి.

ఇటీవల విడుదలైన ప్రమోషనల్ వీడియోలో సమంత, వెన్నెల కిషోర్ మధ్య జరిగిన సరదా సంభాషణ సోషల్ మీడియాలో వైరల్‌గా మారింది. “ఫ్యామిలీ మ్యాన్ ఎలా ఉంటారు?” అన్న ప్రశ్నకు సమంత ఇచ్చిన సమాధానం అందరి దృష్టిని ఆకర్షించింది. “రాజ్ చాలా గ్రేట్… ఆయన ఓ క్రియేటర్” అంటూ ఆమె తన భర్తపై ప్రశంసలు కురిపించారు. ఈ మాటల ద్వారా వారి మధ్య ఉన్న అనుబంధం, పరస్పర గౌరవం స్పష్టంగా కనిపించింది. ఇది సమంత–రాజ్ జంటకు తొలి కలయిక కాదు. ఇప్పటికే ‘ది ఫ్యామిలీ మ్యాన్ 2’ ద్వారా ఈ కాంబినేషన్ మంచి పేరు తెచ్చుకుంది. ఆ సిరీస్‌లో సమంత నటనకు ప్రశంసలు దక్కగా, రాజ్ తన దర్శకత్వ ప్రతిభతో ఆకట్టుకున్నారు. అలాగే ‘సిటాడెల్: హనీ బన్నీ’ వంటి భారీ ప్రాజెక్ట్‌లో కలిసి పనిచేసి ఓటీటీ ప్రపంచంలో ప్రత్యేక గుర్తింపు పొందారు.

ఇక వ్యక్తిగతంగా కూడా ఈ జంట గత ఏడాది కొత్త జీవితం ప్రారంభించింది. 2025 డిసెంబర్ 1న కోయంబత్తూరులోని ఈశా యోగా సెంటర్‌లో సమంత, రాజ్ వివాహం జరిగింది. అత్యంత సన్నిహితుల మధ్య జరిగిన ఈ వేడుకలో ఇద్దరూ సింపుల్‌గా కనిపించారు.ప్రస్తుతం ‘మా ఇంటి బంగారం’ సినిమాతో ఈ జంట మరోసారి కలిసి ప్రేక్షకుల ముందుకు రానుంది. ఫ్యామిలీ యాక్షన్ ఎంటర్టైనర్‌గా తెరకెక్కుతున్న ఈ చిత్రంలో సమంత స్ట్రాంగ్ ఉమెన్ పాత్రలో కనిపించనున్నారు. కథ, నిర్మాణ పరంగా రాజ్ నిడిమోరు భాగస్వామ్యం ఉండటం సినిమాకు ప్రత్యేకతగా మారింది.