Samajavaragamana | నవ్వుల క్లాసిక్‌గా నిలిచిపోతుంది!

‘సామజవరగమన’ కథ చెప్పినప్పుడు ‘నువ్వు నాకు నచ్చావ్‌'లాంటి సినిమా అవుతుందని నమ్మాను. నా నమ్మకం నేడు నిజమైంది. సినిమా చూసి అందరూ హాయిగా నవ్వుకుంటున్నారు’ అన్నారు కథానాయకుడు శ్రీవిష్ణు.

‘సామజవరగమన’ కథ చెప్పినప్పుడు ‘నువ్వు నాకు నచ్చావ్‌’లాంటి సినిమా అవుతుందని నమ్మాను. నా నమ్మకం నేడు నిజమైంది. సినిమా చూసి అందరూ హాయిగా నవ్వుకుంటున్నారు’ అన్నారు కథానాయకుడు శ్రీవిష్ణు. ఆయన హీరోగా నటించిన ‘సామజవరగమన’ ఇటీవల విడుదలై ప్రేక్షకుల ఆదరణతో విజయవంతంగా ప్రదర్శింపబడుతోంది.

ఈ సందర్భంగా చిత్రబృందం సక్సెస్‌ సెలబ్రేషన్స్‌ నిర్వహించింది. ఈ సందర్భంగా హీరో శ్రీవిష్ణు మాట్లాడుతూ ‘సినిమా చూసి ప్రేక్షకులు ఎంజాయ్‌ చేస్తున్నారు. యూఎస్‌లో మంచి కలెక్షన్లు వస్తున్నాయి. ఈ సినిమా నవ్వుల క్లాసిక్‌గా నిలిచిపోతుంది. ఇలాంటి గొప్ప విజయం ఇచ్చిన ప్రేక్షకులకు కృతజ్ఞతలు’ అన్నారు. ఇది తనకు జీవితంలో మరిచిపోలేని సక్సెస్‌ అని, ఇలాంటి గొప్ప సక్సెస్‌ఫుల్‌ చిత్రాన్ని నిర్మించినందుకు సంతోషంగా వుందని నిర్మాత రాజేష్‌ దండా తెలిపారు.

ఇటీవల తనకు అపజయం వచ్చినప్పుడు ఇండస్ట్రీలో అందరూ సపోర్ట్‌ చేశారని, వారందరూ ఈసారి తనకు విజయం రావాలని మనస్ఫూర్తిగా కోరుకున్నారు. అందుకే ఇలాంటి విజయం దక్కిందని మరో నిర్మాత అనిల్‌ సుంకర చెప్పారు. ఈ వేడుకలో దర్శకుడు రామ్‌ అబ్బరాజు, హీరోయిన్‌ రెబా మోనికా జాన్‌ తదితరులు పాల్గొన్నారు.