Visit:
Salman Khan | బాలీవుడ్ స్టార్ హీరో సల్మాన్ ఖాన్ తీవ్ర భావోద్వేగానికి గురైన వీడియోలు ప్రస్తుతం సోషల్ మీడియాలో వైరల్ అవుతున్నాయి. తన కుటుంబానికి అత్యంత సన్నిహితురాలు, ఎన్నో ఏళ్లుగా కుటుంబ మిత్రురాలిగా ఉన్న కుముద్ రాణే మృతితో సల్మాన్ ఖాన్ దిగ్భ్రాంతికి లోనయ్యారు. కుముద్ రాణే నిన్న ఉదయం కన్నుమూసినట్లు సమాచారం. అనంతరం ముంబైలో ఆమె అంత్యక్రియలు నిర్వహించగా, సల్మాన్ ఖాన్ కుటుంబ సభ్యులు పెద్ద ఎత్తున హాజరై తుది నివాళులు అర్పించారు. కుముద్ రాణే అంతిమయాత్రలో సల్మాన్ ఖాన్తో పాటు ఆయన తల్లి సల్మా ఖాన్, తమ్ముడు సోహైల్ ఖాన్, పినతల్లి హెలెన్, చెల్లెలు అర్పిత ఖాన్ తదితర కుటుంబ సభ్యులు పాల్గొన్నారు. అలాగే కుటుంబంలోని యువ సభ్యులు అర్హన్ ఖాన్, నిర్వాన్ ఖాన్ కూడా అంత్యక్రియలకు హాజరయ్యారు.
కుటుంబ సభ్యులందరూ కలిసి కుముద్ రాణేకు చివరి వీడ్కోలు పలికారు. ఖాన్ కుటుంబంతో ఆమెకు ఉన్న అనుబంధం ఎంత బలమైనదో ఈ సందర్భంగా స్పష్టమైంది. అంత్యక్రియలు ముగిసిన అనంతరం సల్మాన్ ఖాన్ తీవ్ర భావోద్వేగానికి గురయ్యారు. స్మశానవాటిక నుంచి బయటకు వస్తూ ఆయన కన్నీళ్లు పెట్టుకున్న దృశ్యాలు అక్కడున్న కెమెరాల్లో రికార్డ్ అయ్యాయి. తీవ్ర విషాదంలో కనిపించిన సల్మాన్, కన్నీళ్లతోనే కారులో ఎక్కి అక్కడి నుంచి వెళ్లిపోయారు. ప్రస్తుతం ఈ వీడియోలు సోషల్ మీడియాలో వైరల్ అవుతుండగా, అభిమానులు కూడా భావోద్వేగానికి లోనవుతున్నారు.
కుముద్ రాణేకు సినీ పరిశ్రమతో ప్రత్యక్ష సంబంధం లేదని బాలీవుడ్ వర్గాలు చెబుతున్నాయి. అయితే ఆమె కుటుంబం, ఖాన్ కుటుంబం మధ్య ఎన్నో దశాబ్దాలుగా సన్నిహిత సంబంధాలు కొనసాగుతున్నాయి. సల్మాన్ ఖాన్ కుటుంబంలోని అనేక ముఖ్య సందర్భాల్లో కుముద్ రాణే కుటుంబం భాగస్వామిగా ఉండేదని తెలుస్తోంది. ఈ దీర్ఘకాల స్నేహబంధం కారణంగానే ఆమె మరణం సల్మాన్ను తీవ్రంగా కలచివేసిందని బాలీవుడ్ మీడియా పేర్కొంటోంది. సాధారణంగా చాలా సందర్భాల్లో ప్రశాంతంగా కనిపించే సల్మాన్ ఖాన్, ఈసారి మాత్రం తన భావోద్వేగాలను దాచుకోలేకపోయారు. స్మశానవాటిక వద్ద ఆయన కన్నీళ్లు పెట్టుకున్న వీడియోలు అభిమానులను కలచివేస్తున్నాయి. ఎప్పుడూ ధైర్యంగా కనిపించే సల్మాన్ ఇలా భావోద్వేగానికి గురవడం బాధాకరం అంటూ అభిమానులు సోషల్ మీడియాలో స్పందిస్తున్నారు. ప్రస్తుతం ఈ వీడియోలు నెట్టింట విస్తృతంగా చర్చనీయాంశంగా మారాయి.
View this post on Instagram
