Prabhas | ఇప్పుడు ప్రపంచమంతా ‘సలార్’ ఫివర్తో ఉంది. టికెట్లకోసం అభిమానులు పడుతున్న అవస్తలు మామూలుగా లేవు. ఆన్లైన్ బుకింగ్ వచ్చాక కూడా టికెట్లు దొరకడం కష్టమైపోయింది. ఆ రోజుల్లో సీనియర్ ఎన్టీయార్, చిరంజీవి సినిమాలు విడుదలైనప్పుడు ఫ్యాన్స్ ఎలాగైతే కిలోమీటర్ల మేర బారులు తీరేవారో.. అలా థియేటర్ల ముందు జనం బారులు తీరడం ‘సలార్’ విషయంలోనే జరుగుతుందంటే అతిశయోక్తికాదు. ప్రభాస్, ప్రశాంత్నీల్ క్రేజ్కి ఇదొక నిదర్శనం. ఇదిలావుంటే.. ఇప్పుడు ప్రభాస్ ఫ్యాన్స్కి టి సిరీస్ సంస్థ ఓ శుభవార్త చెప్పింది.
సంచలన దర్శకుడు సందీప్రెడ్డి వంగా దర్శకత్వంలో ప్రభాస్ నటించనున్న ‘స్పిరిట్’ సినిమాకు సంబంధించిన అప్డేట్ని వారు విడుదల చేశారు. ‘యానిమల్’ మాదిరిగానే.. సందీప్రెడ్డి వంగాతో కలిసి టి.సిరీస్ అధినేత భూషణ్కుమార్ ‘స్పిరిట్’ సినిమాను నిర్మించనున్నారు. ‘యానిమల్ పార్క్’కు ముందే ఈ ప్రాజెక్ట్ ఉంటుందని వారు తెలిపారు. ఆ తర్వాత ‘యానిమల్ పార్క్’, దాని తర్వాత అల్లు అర్జున్ మూవీ చేయనున్నట్టు వారు ప్రకటించారు. ‘స్పిరిట్’ ఓ కాప్ స్టోరీ అని, అందులో ప్రభాస్ పోలీస్ ఆఫీసర్గా కొత్తగా కనిపిస్తారని సందీప్ గతంలో ఓ ఇంటర్వ్యూలో తెలిపారు కూడా. అంటే త్వరలోనే సందీప్రెడ్డి వంగా హీరోగా రెబల్స్టార్ ప్రభాస్ దర్శనమివ్వనున్నాడన్నమాట.