ఒకానొక టైంలో లీడింగ్ హీరోయిన్లుగా కొనసాగిన భామలు ఇటీవల కాలంలో స్పెషల్ సాంగ్స్ చేయడానికి ఆసక్తి చూపిస్తుండటం చూస్తూనే ఉన్నాం. రాయ్ లక్ష్మి, కాజల్ (Kajal Aggarwal) , సమంత (Samantha) ఇలా పలువురు హీరోయిన్లు ఈ జాబితాలో ఉన్నారు. స్పెషల్ సాంగ్ తర్వాత వీరి స్టార్ డమ్ కు వచ్చిన ఇబ్బందేమి లేదు. స్పెషల్ సాంగ్ లో కనిపించాక కూడా లీడింగ్ హీరోయి న్లుగా తమ హవా కొనసాగిస్తున్నారు. ఈ లిస్టులో నేను కూడా ఉన్నానంటూ తాజాగా మరో బ్యూటీ రెజీనా (Regina Cassandra) వచ్చేసింది.
ఆచార్య (Acharya) చిత్రంలో ‘సానా కష్టం’ (Saana Kastam) అంటూ చిరంజీవితో హాట్ హాట్ రొమాంటిక్ స్టెప్పులేస్తూ అదరగొట్టేందుకు రెడీ అవుతుందని సాంగ్ ప్రోమో ద్వారా తెలిసిపోతుంది. అయితే కొంతకాలంగా కెరీర్ విషయంలో డీలా పడిపోయిన రెజీనా ఈ సాంగ్ తో తనకు మంచి క్రేజ్ రావడం ఖాయమని భావిస్తుందట. అంతేకాదు ఈ పాట తనకు టర్నింగ్ పాయింట్ అవుతుందని ఆశలు కూడా పెట్టుకున్నట్టు ఇండస్ట్రీ జోరుగా టాక్ వినిపిస్తోంది. తెలుగులో కొంతకాలంగా సరైన బ్రేక్ లేని ఈ భామకు మెగాస్టార్ సినిమా కలిసొస్తుందని పెట్టుకున్న ఆశ నెరవేరుతుందా..? లేదా అనేది చూడాలి.
రెజీనా ప్రస్తుతం సుధీర్ వర్మ దర్శకత్వంలో తెరకెక్కుతున్న శాకిని ఢాకిని చిత్రంలో వన్ ఆఫ్ ఫీ మేల్ లీడ్ రోల్ పోషిస్తోంది. కొరియన్ మిడ్ నైట్ రన్నర్స్ ఆధారంగా వస్తున్న ఈ చిత్రంలో నివేదా థామస్ మరో లీడ్ రోల్ లో నటిస్తోంది.