Khiladi Title Song | ర‌వితేజ ‘ఖిలాడీ’ టైటిల్ ట్రాక్ అదిరింది..వీడియో

November 4, 2021 / 05:32 PM IST

టాలీవుడ్ (Tollywood) హీరో ర‌వితేజ (Ravi Teja) న‌టిస్తోన్న తాజా ప్రాజెక్టు ఖిలాడీ. ర‌మేశ్ వ‌ర్మ (Ramesh Varma) ద‌ర్శ‌క‌త్వం వ‌హిస్తున్నాడు. తాజాగా మేక‌ర్స్ అదిరిపోయే అప్ డేట్ అందించారు. ర‌వితేజ అభిమానులు ఎప్పుడెప్పుడా అని ఎదురుచూస్తున్న ఖిలాడీ టైటిల్ ట్రాక్ లిరిక‌ల్ వీడియోను విడుద‌ల చేశారు.

‘హి ఈజ్ ఏ గ్రాండ్ మాస్ట‌ర్ ..హి ఈజ్ ఏ క్రైం పోస్ట‌ర్..వీడు ఎదుర‌య్యే టైమింగ్‌..డేంజ‌ర్ తో డేటింగ్ ..’అంటూ ఖిలాడీ టైటిల్ రోల్ మ్యాన‌రిజాన్ని చూపిస్తూ సాగుతున్న ట్రాక్ మ్యూజిక్ ల‌వ‌ర్స్ లో మంచి జోష్ నింపుతుంది. శ్రీమ‌ణి రాసిన ఈ పాట‌ను మ్యూజిక్‌ డైరెక్ట‌ర్ దేవీ శ్రీ ప్ర‌సాద్ (DSP) కంపోజ్ చేయ‌గా..రామ్ మిర్యాల పాడాడు. ఖిలాడీ టైటిల్ సాంగ్ సినిమాకే హైలెట్‌గా నిలువ‌నుంద‌ని లిరిక‌ల్ వీడియో చూస్తే తెలిసిపోతుంది.

డింపుల్ హ‌య‌తి (Dimple Hayathi), బాలీవుడ్ భామ మీనాక్షి చౌద‌రి (Meenakshi Chaudhary) హీరోయిన్లుగా న‌టిస్తున్నారు. హై బ‌డ్జెట్ యాక్ష‌న్ థ్రిల్ల‌ర్ గా రూపొందుతున్న ఈ మూవీని కోనేరు స‌త్య‌నారాయ‌ణ, ఏ స్టూడియోస్‌తో క‌లిసి నిర్మిస్తున్నారు.