Visit:
Thama Teaser | ‘స్త్రీ’, ‘భేదియా’, ‘ముంజ్యా’ లాంటి హారర్ కామెడీ చిత్రాలను తెర‌కెక్కించిన బాలీవుడ్ టాప్ ప్రోడ‌క్ష‌న్ మాడ్‌డాక్ ఫిలిమ్స్ మ‌రో క్రేజీ సినిమాతో ప్రేక్ష‌కుల ముందుకు రాబోతుంది. ఈ హారర్ యూనివ‌ర్స్‌లో రాబోతున్న తాజా చిత్రం ‘థామా’ (Thama). ఈ సినిమాకు ఆదిత్య సర్పోత్దార్‌ (Thama Director) దర్శకత్వం వ‌హిస్తుండ‌గా.. నేష‌న‌ల్ క్ర‌ష్ రష్మిక మంద‌న్నా, ఆయుష్మాన్‌ ఖురానా ప్ర‌ధ‌నా పాత్ర‌ల్లో న‌టిస్తున్నారు. నవాజుద్దీన్‌ సిద్ధిఖీ విల‌న్ పాత్రలో న‌టించ‌బోతున్న‌ట్లు తెలుస్తుంది. ఈ సినిమా దీపావ‌ళి కానుకగా ప్రేక్ష‌కుల ముందుకు రాబోతుండ‌గా.. మూవీ నుంచి టీజ‌ర్‌ను విడుద‌ల చేసింది చిత్ర‌యూనిట్. ఈ టీజర్ చూస్తుంటే.. అతీంద్రియ శక్తులతో కూడిన ఓ రొమాంటిక్‌ చిత్రంగా రాబోతున్న‌ట్లు తెలుస్తుంది. ఇక ఈ చిత్రంలో రష్మిక తడకా పాత్రలో క‌నిపించ‌బోతుండ‌గా.. ఆయుష్మాన్‌ ఖురానా అలోక్‌గా, నవాజుద్దీన్‌ సిద్ధిఖీ యక్షసాన్‌గా, పరేశ్‌ రావల్‌ రామ్‌ బజాజ్‌ గోయెల్‌గా క‌నిపించ‌బోతున్నారు.
