Ramayana | రామాయణకు భారీ స్పందన.. ఒక్కరోజులోనే 36 వేల‌కి పెరిగిన అడ్వాన్స్‌ బుకింగ్స్‌!

Ramayana | భారతీయ సినీ చరిత్రలోనే అత్యంత భారీ చిత్రాల్లో ఒకటిగా తెరకెక్కుతున్న ‘రామాయణ: రైజ్ ఆఫ్ ఎ లెజెండ్‌’ విడుదలకు సిద్ధమవుతోంది. నితేశ్‌ తివారీ దర్శకత్వంలో రణ్‌బీర్‌ కపూర్‌, యశ్‌, సాయిపల్లవి ప్రధాన పాత్రల్లో నటిస్తున్న ఈ పౌరాణిక ఇతిహాస చిత్రం నవంబర్‌ 5, 2026న ప్రపంచవ్యాప్తంగా ప్రేక్షకుల ముందుకు రానుంది.

Ramayana | భారతీయ సినీ చరిత్రలోనే అత్యంత భారీ చిత్రాల్లో ఒకటిగా తెరకెక్కుతున్న ‘రామాయణ: రైజ్ ఆఫ్ ఎ లెజెండ్‌’ విడుదలకు సిద్ధమవుతోంది. నితేశ్‌ తివారీ దర్శకత్వంలో రణ్‌బీర్‌ కపూర్‌, యశ్‌, సాయిపల్లవి ప్రధాన పాత్రల్లో నటిస్తున్న ఈ పౌరాణిక ఇతిహాస చిత్రం నవంబర్‌ 5, 2026న ప్రపంచవ్యాప్తంగా ప్రేక్షకుల ముందుకు రానుంది. విడుదలకు ఇంకా మూడు రోజులే ఉండటంతో సినిమాపై అంచనాలు భారీగా పెరుగుతున్నాయి. ముఖ్యంగా ఈ సినిమా ముందస్తు టికెట్‌ బుకింగ్స్‌లో మంచి రెస్పాన్స్ కనిపిస్తోంది. ఒక్కరోజులోనే దాదాపు 36 వేల టికెట్ల అమ్మకాలు పెరిగినట్లు తెలుస్తోంది. అంతకుముందు అత్యధికంగా సుమారు 50 వేల టికెట్ల విక్రయాలు నమోదుకాగా, తాజాగా ఆ సంఖ్య 86 వేలకు చేరింది. సినిమా చుట్టూ నెలకొన్న సానుకూల ప్రచారం, ప్రేక్షకుల్లో పెరుగుతున్న ఆసక్తి ఈ పెరుగుదలకు కారణంగా కనిపిస్తున్నాయి.

లాస్‌ ఏంజెలెస్‌లో నిర్వహించిన ప్రత్యేక ప్రీమియర్‌కు వచ్చిన స్పందన కూడా ముందస్తు బుకింగ్స్‌పై ప్రభావం చూపినట్లు తెలుస్తోంది. ఇదే జోరు కొనసాగితే త్వరలోనే టికెట్ల అమ్మకాలు లక్ష మార్కును దాటే అవకాశం ఉందని అంచనా వేస్తున్నారు. విడుదలకు ముందు బుకింగ్స్‌లో వస్తున్న ఈ పెరుగుదల చిత్ర బృందానికి ఉత్సాహాన్నిస్తోంది. ఒకవైపు అడ్వాన్స్‌ బుకింగ్స్‌ పెరుగుతుండగా, మరోవైపు సినిమా ప్రదర్శనకు సంబంధించిన సాంకేతిక అంశాలు కొందరు అభిమానులను నిరాశపరుస్తున్నాయి. అందుబాటులో ఉన్న సమాచారం ప్రకారం.. ఐమాక్స్‌ థియేటర్లలో మాత్రమే ఫ్లాట్‌ ఫార్మాట్‌లో సినిమా ప్రదర్శించనున్నారని, మిగతా థియేటర్లలో స్కోప్‌ ఫార్మాట్‌లో విడుదల చేయనున్నారని ప్రచారం జరుగుతోంది. భారీ బడ్జెట్‌తో తెరకెక్కిన చిత్రానికి ఫ్లాట్‌ ఫార్మాట్‌ ప్రదర్శనను ఐమాక్స్‌కే పరిమితం చేయడం సరైన నిర్ణయం కాదని కొందరు అభిమానులు అభిప్రాయపడుతున్నారు.

నమిత్‌ మల్హోత్రా, యశ్‌ నిర్మిస్తున్న ఈ చిత్రంలో సన్నీ డియోల్‌, కాజల్‌ అగర్వాల్‌, రకుల్‌ ప్రీత్‌ సింగ్‌, రవి దూబే, అరుణ్‌ గోవిల్‌ తదితరులు కీలక పాత్రల్లో కనిపించనున్నారు. ఈ చిత్రానికి హాలీవుడ్‌ సంగీత దర్శకుడు హాన్స్‌ జిమ్మర్‌, ఆస్కార్‌ విజేత ఏఆర్‌ రెహమాన్‌ కలిసి సంగీతం అందిస్తున్నారు. పలు భారతీయ భాషల్లో విడుదల కానున్న ఈ ఇతిహాస చిత్రంపై ఇప్పటికే దేశవ్యాప్తంగా భారీ అంచనాలు నెలకొన్నాయి. అడ్వాన్స్‌ బుకింగ్స్‌లో ఇదే వేగం కొనసాగితే విడుదలకు ముందే లక్ష టికెట్ల విక్రయాల మైలురాయిని అందుకునే అవకాశం ఉంది. మరి థియేటర్లలో ఈ చిత్రం ఎలాంటి ప్రభంజనం సృష్టిస్తుందో చూడాలి.