ఒకరోజు ముందుగానే

రామ్‌ పోతినేని నటించిన మోస్ట్‌ ఎవైటెడ్‌ యాక్షన్‌ డ్రామా ‘ఆంధ్ర కింగ్‌ తాలూకా’. భాగ్యశ్రీ బోర్సే కథానాయిక. కన్నడ స్టార్‌ ఉపేంద్ర ఇందులో రియల్‌లైఫ్‌ సూపర్‌స్టార్‌గా నటించారు.

రామ్‌ పోతినేని నటించిన మోస్ట్‌ ఎవైటెడ్‌ యాక్షన్‌ డ్రామా ‘ఆంధ్ర కింగ్‌ తాలూకా’. భాగ్యశ్రీ బోర్సే కథానాయిక. కన్నడ స్టార్‌ ఉపేంద్ర ఇందులో రియల్‌లైఫ్‌ సూపర్‌స్టార్‌గా నటించారు. మహేశ్‌బాబు.పి దర్శకుడు. ప్రతిష్టాత్మక మైత్రీ మూవీమేకర్స్‌ పతాకంపై నవీన్‌ యెర్నేని, వై.రవిశంకర్‌ నిర్మించిన ఈ చిత్రాన్ని ఈ నెల 28న విడుదల చేయనున్నట్టు గతంలో ప్రకటించారు. కానీ కొన్ని కారణాల వల్ల ఒకరోజు ముందుగానే అంటే.. ఈ నెల 27న ప్రపంచవ్యాప్తంగా ఈ సినిమా విడుదల కానున్నది. ఈ విషయాన్ని ఆదివారం ఓ ప్రకటన ద్వారా తెలియజేశారు.

ఓ అభిమాని బయోపిక్‌గా తెరకెక్కిన సినిమా ఇదని, వేలాది అభిమానుల జీవితాలను ప్రతిబింబించే ఈ సినిమా ఆడియన్స్‌కి అద్భుతమైన సినిమాటిక్‌ ఎక్స్‌పీరియన్స్‌ ఇస్తుందని మేకర్స్‌ తెలిపారు. భారతీయ సినీ చరిత్రలోనే కొత్త కాన్సెప్ట్‌తో వస్తున్న సినిమా ఇదని, ఈ నెల 18న కర్నూల్‌లో భారీ పబ్లిక్‌ ఈవెంట్‌ని నిర్వహించనున్నామని నిర్మాతలు తెలిపారు. రావు రమేశ్‌, మురళీశర్మ, సత్య, రాహుల్‌ రామకృష్ణ, వీటీవీ గణేశ్‌ తదితరులు ఇతర పాత్రలు పోషించిన ఈ చిత్రానికి కెమెరా: సిద్ధార్థ్‌ నుని, సంగీతం: వివేక్‌, మెర్విన్‌.