Rajasekhar daughters | తెలుగు ఇండస్ట్రీలో ఒక విచిత్రమైన సెంటిమెంట్ ఉంది. ఇక్కడ హీరోల వారసులు సూపర్ సక్సెస్ అయ్యారు. కానీ వారసురాళ్లకు మాత్రం ఇండస్ట్రీ అంతగా కలిసి రాలేదు. సూపర్ స్టార్ కృష్ణ నుంచి మోహన్ బాబు వరకు ఎంతో మంది హీరోలు కూతుళ్లు ఇండస్ట్రీకి వచ్చారు. కానీ ఒక్కరు కూడా సక్సెస్ కాలేదు. మెగా డాటర్ నిహారికకు కూడా నిరాశ తప్పలేదు. ఈమె చేసిన మూడు సినిమాలు కూడా డిజాస్టర్ అయ్యాయి. దాంతో పెళ్లి తర్వాత ఆమె పూర్తిగా సినిమాలకు దూరమైపోయింది. మంచు లక్ష్మీ కూడా హీరోయిన్ గా కాకుండా కేవలం క్యారెక్టర్ ఆర్టిస్ట్గా బిజీ అయిపోయింది. ఇలాంటి సమయంలో హీరో రాజశేఖర్ కూతుళ్లు ఇండస్ట్రీ సెంటిమెంట్ మార్చడానికి మ్యాగ్జిమం ట్రై చేస్తున్నారు. ఈ ఇద్దరు ముద్దుగుమ్మలకు అవకాశాలు బాగానే వస్తున్నాయి.
ఈ మధ్యే శివాని రాజశేఖర్ ( shivani rajasekhar ) హీరోయిన్గా నటించిన తొలి సినిమా అద్భుతం విడుదలైంది. తేజ సజ్జ హీరోగా నటించిన ఈ సినిమా హాట్ స్టార్ డిస్నీలో విడుదలైంది. దీనికి మంచి రెస్పాన్స్ వచ్చింది. ముఖ్యంగా శివానీ నటనకు అందరూ ఫిదా అయిపోయారు. చిరంజీవి నుంచి ఇండస్ట్రీలో చాలా మంది ప్రముఖులు రాజశేఖర్ పెద్ద కూతురు నటన చూసి ప్రశంసించారు. కచ్చితంగా ఈ అమ్మాయికి మంచి భవిష్యత్తు ఉంది అని ఆశీర్వదించారు.
మరోవైపు అక్క కంటే రెండు సంవత్సరాల ముందే హీరోయిన్ అయిపోయింది శివాత్మిక రాజశేఖర్ ( shivatmika rajasekhar ) . విజయ్ దేవరకొండ తమ్ముడు ఆనంద్ హీరోగా వచ్చిన దొరసాని సినిమాతో ఇండస్ట్రీకి పరిచయం అయింది రాజశేఖర్ చిన్న కూతురు. సినిమా ఫ్లాప్ అయినా కూడా శివాత్మిక నటనకు మంచి మార్కులు పడ్డాయి. ప్రస్తుతం ఈమె రెండు సినిమాలు చేస్తోంది. మరోవైపు శివాని రాజశేఖర్ కూడా తెలుగు, తమిళంలో అవకాశాలు దక్కించుకుంటుంది. రెండు మూడు మంచి విజయాలు వస్తే కచ్చితంగా ఇద్దరు ముద్దుగుమ్మలు హీరోయిన్లుగా సెటిల్ అయిపోవడం ఖాయంగా కనిపిస్తోంది.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
jeevitha rajasekhar | తల్లిదండ్రులుగా గర్వపడుతున్నాం
Shivatmika Rajasekhar| గోల్డెన్ ఛాన్స్ మిస్ చేసుకున్న టాలీవుడ్ హీరో కూతురు
siva sankar master | చాలా రోజుల తర్వాత ఇండస్ట్రీలో కరోనా మరణం.. తస్మాత్ జాగ్రత్త..
Sree Leela Break| సినిమాలకు పెళ్లి సందD హీరోయిన్ బ్రేక్ ..కారణమేంటో తెలుసా..?