Rajamouli: ఆ ప్ర‌శ్న‌లు కాపీ కొట్టొద్దంటూ రాజ‌మౌళి కౌంట‌ర్

బాహుబ‌లి సినిమాతో తెలుగోడి స‌త్తా ఏంటో నిరూపించిన రాజ‌మౌళి ప్ర‌స్తుతం ఆర్ఆర్ఆర్ సినిమాతో మ‌న ఖ్యాతి మ‌రింత పెరిగేలా చేస్తున్నాడు. వచ్చే ఏడాది జనవరి 7న ఆర్ఆర్ఆర్ విడుద‌ల కానున్న నేప‌థ్యంలో మూవీ టీం ప్రమోషన్స్‌తో ఫుల్ బిజీగా ఉంది. ఇటీవ‌ల ఆర్‌ఆర్‌ఆర్‌ ట్రైలర్‌ను తెలుగు, హిందీ, తమిళం, మలయాళం, కన్నడ భాషల్లో విడుదల చేయ‌గా, దీనికి భారీ రెస్పాన్స్ వ‌చ్చింది. ఇక గ‌త రెండు రోజులుగా ప‌లు సిటీల‌లో ప్రెస్ మీట్స్ ఏర్పాటు చేస్తున్నారు.

ఈ రోజు హైద‌రాబాద్‌లో జ‌రిగిన ప్రెస్ మీట్‌లో అలియాభ‌ట్‌ని ఓ విలేక‌రి “ఆర్” అనే అక్షరానికి మీ జీవితంలో చాలా ప్రాధాన్యత ఉంది. సినిమా టైటిల్ లో కూడా “ఆర్ఆర్ఆర్” ఉంది. మరి సినిమాను, దాని టైటిల్ ను ఎలా ఎంజాయ్ చేశారు? అని అడిగాడు. ఆ ప్రశ్నకు రాజమౌళి స్పందిస్తూ వాళ్ళ ప్రశ్నలను మనం కాపీ కొట్టొద్దు అంటూ కౌంటర్ ఇచ్చాడు. ఇదే ప్ర‌శ్న బాలీవుడ్‌లో అలియాను ఓ రిపోర్ట‌ర్ ప్ర‌శ్నించ‌డంతో ఆ విధంగా స్పందించారు.

ఇక నాటు సాంగ్ పై వచ్చిన ప‌లు రూమ‌ర్స్ పై రాజమౌళి ఒక సూపర్ క్లారిటీ ఇచ్చారు. అల్లూరి మరియు భీమ్ లు అలా ఎందుకు డాన్స్ చేశారు అనేది నేను జస్ట్ చిన్న బిట్ మాత్రమే చూపించాను కానీ అందులో ఇంకా చాలా ఉంది. ఒక బ్యూటిఫుల్ ఎమోషన్ ఉంటుంది. ఆ సందర్భం అనేది ఎలా వచ్చింది అనేవి సినిమాలో తెలుస్తాయని విమ‌ర్శ‌కుల‌కి గ‌ట్టి క్లారిటీ ఇచ్చాడు. దాదాపు 450 కోట్ల బ‌డ్జెట్‌తో తెర‌కెక్కిన ఆర్ఆర్ఆర్ చిత్రం దాదాపు 10 భాష‌ల‌లో విడుద‌ల కానుంద‌ని స‌మాచారం.