Double iSmart | హుషారైన బీట్‌తో పర్‌ఫెక్ట్‌ మాస్‌ నంబర్‌ స్టెప్పామార్‌.. హైలైట్‌గా హీరో రామ్‌ డ్యాన్స్‌

రామ్‌ పోతినేని, పూరి జగన్నాథ్‌ కాంబినేషన్‌లో వచ్చిన ‘ఇస్మార్‌ ్టశంకర్‌' మాస్‌ ఎంటర్‌టైనర్‌గా ప్రేక్షకుల్ని మెప్పించింది.

Double iSmart | రామ్‌ పోతినేని, పూరి జగన్నాథ్‌ కాంబినేషన్‌లో వచ్చిన ‘ఇస్మార్ట్‌ శంకర్‌’ మాస్‌ ఎంటర్‌టైనర్‌గా ప్రేక్షకుల్ని మెప్పించింది. ఇప్పుడీ చిత్రానికి సీక్వెల్‌గా ‘డబుల్‌ ఇస్మార్ట్‌’ తెరకెక్కుతున్న విషయం తెలిసిందే. ఆగస్ట్‌ 15న ప్రేక్షకుల ముందుకురానుంది. ఈ నేపథ్యంలో తొలి సింగిల్‌ ‘స్టెప్పామార్‌’తో ప్రచారపర్వాన్ని మొదలుపెట్టారు.

మణిశర్మ కంపోజ్‌ చేసిన ఈ గీతాన్ని భాస్కరభట్ల రచించారు. అనురాగ్‌ కులకర్ణి, సాహితి ఆలపించారు. హుషారైన బీట్‌తో పర్‌ఫెక్ట్‌ మాస్‌ నంబర్‌గా తెరకెక్కించిన ఈ గీతంలో హీరో రామ్‌ డ్యాన్స్‌ హైలైట్‌గా నిలిచింది. విజువల్స్‌ ఆకట్టుకునేలా ఉన్నాయి.

పూరి జగన్నాథ్‌ తనదైన శైలి మాస్‌, యాక్షన్‌ అంశాలతో రూపొందిస్తున్న ఈ చిత్రం అన్ని వర్గాల ప్రేక్షకులను మెప్పిస్తుందని చిత్రబృందం పేర్కొంది. సంజయ్‌దత్‌, కావ్యథాపర్‌, అలీ, గెటప్‌ శ్రీను తదితరులు నటిస్తున్న ఈ చిత్రానికి కెమెరా: శ్యామ్‌ కే నాయుడు, జియాని జియాన్నెలి, సంగీతం: మణిశర్మ, నిర్మాతలు: పూరి జగన్నాథ్‌, ఛార్మికౌర్‌, రచన-దర్శకత్వం: పూరి జగన్నాథ్‌.