Priyanka Chopra | ప్రియాంక‌-నిక్ జోన‌స్‌ల కూతురు పేరేంటో తెలుసా?

Priyanka Chopra-Nick Jonas | బాలీవుడ్ స్టార్ హీరోయిన్ ప్రియాంక చోప్రా అమెరిక‌న్ సింగ‌ర్ నిక్ జోన‌స్‌ను డిసెంబ‌ర్ 2018లో ప్రేమించి వివాహం చేసుకున్న విష‌యం తెలిసిందే. మూడేళ్ళ‌ త‌ర్వాత ఈ ఏడాది జ‌న‌వ‌రిలో వీరిద్ద‌రు స‌రోగ‌సి ద్వారా త‌ల్లి తండ్రులైన‌ట్లు వెల్ల‌డించారు. అయితే ఇప్ప‌టివ‌ర‌కు ఈ జంట త‌న బిడ్డ పేరును గాని ఫోటోల‌ని గాని బ‌య‌ట‌కు తెలియ‌నివ్వ‌లేరు. అయితే తాజాగా వీళ్ళ కుతురు పేరు బ‌య‌ట‌కు వ‌చ్చింది. ప్రియాంక-నిక్ దంప‌తులు త‌మ కూతురుకు ‘మాల్టీ మేరీ చోప్రా జోన‌స్’ అని నామ‌క‌ర‌ణం చేశారు. ఈ పేరులో మాల్టీ అంటే పువ్వు అని అర్థం. అంతేకాకుండా ప్రియాంక త‌ల్లి మ‌ధుమాల్టీ నుంచి మాల్టీ అని తీసుకున్నార‌ట‌. ఇక మేరీ అనేది జోన‌స్ త‌ల్లి పేరు. బ‌ర్త్ స‌ర్టిఫికేట్ ప్ర‌కారం ప్రియాంక‌-నిక్ కూతురు అమేరికాలోని శాండియాగోలో జ‌న‌వ‌రి 15న జ‌న్మించింది.

ప్రియాంక ప్ర‌స్తుతం న‌టించిన హాలీవుడ్ అమేరిక‌న్ రొమాంటిక్ డ్రామా ‘ఇట్స్ ఆల్ క‌మింగ్ బ్యాక్ టు మి’ షూటింగ్‌ను పూర్తి చేసుకుని పోస్ట్ ప్రొడ‌క్ష‌న్ ప‌నుల‌లో బిజీగా ఉంది. జేమ్స్ స్ట్రోయుస్ ఈ చిత్రానికి ద‌ర్శ‌క‌త్వం వ‌హించాడు. 2016లో జ‌ర్మ‌నీలో వ‌చ్చిన ‘ఎస్ఎమ్ఎస్ ఫుర్ డిచ్’ అనే సినిమాకు రీమేక్‌గా తెర‌కెక్కింది. సామ్ హ్యూగ‌న్ క‌థానాయ‌కుడిగా న‌టిస్తున్న ఈ చిత్రం వ‌చ్చే ఏడాది ఫిబ్ర‌వ‌రిలో విడుద‌ల‌కానుంది.