నాలోని నటిని చూడలేకపోయాడు

బాలీవుడ్‌లోని ఓ దర్శకుడిపై తీవ్ర ఆరోపణలు చేసింది స్టార్‌ హీరోయిన్‌ ప్రియాంక చోప్రా. తన కెరీర్‌ ప్రారంభంలో సదరు దర్శకుడు అమానవీయంగా ప్రవర్తించాడని పేర్కొంది. లో దుస్తుల్లో తనను చూడాలనుకుంటున్నట్లు ఆ దర్శకుడు మాట్లాడిన మాటలతో ఆ సినిమా నుంచి తప్పుకున్నట్లు వెల్లడించింది ప్రియాంక.

బాలీవుడ్‌లోని ఓ దర్శకుడిపై తీవ్ర ఆరోపణలు చేసింది స్టార్‌ హీరోయిన్‌ ప్రియాంక చోప్రా. తన కెరీర్‌ ప్రారంభంలో సదరు దర్శకుడు అమానవీయంగా ప్రవర్తించాడని పేర్కొంది. లో దుస్తుల్లో తనను చూడాలనుకుంటున్నట్లు ఆ దర్శకుడు మాట్లాడిన మాటలతో ఆ సినిమా నుంచి తప్పుకున్నట్లు వెల్లడించింది ప్రియాంక. ప్రియాంక చోప్రా మాట్లాడుతూ…‘తమిళ చిత్రంతో నాయికగా అరంగేట్రం చేశాను. 2003లో బాలీవుడ్‌లో ఓ సినిమా అంగీకరించా. ఈ చిత్రంలో అండర్‌కవర్‌ పోలీస్‌ ఆఫీసర్‌ పాత్రలో నటించాలి.

రహస్యాలు తెలుసుకునేందుకు హనీ ట్రాప్‌ చేయాలి. ఆ సీన్‌లో లో దుస్తులు వేసుకుని నటించాలని దర్శకుడు చెప్పాడు. అప్పుడే సినిమా చూసేందుకు ప్రేక్షకులు థియేటర్‌లకు వస్తారన్నాడు. ఆ సంఘటన అమానవీయంగా అనిపించింది. ఆ చిత్రం నుంచి బయటకు వచ్చేశా. నటిగా ఆ పాత్రకు, సినిమాకు నేను ఏం చేయగలను అనేది ఆ దర్శకుడు చూడలేదు. కేవలం గ్లామర్‌నే నమ్ముకున్నాడు’ అని చెప్పింది. ప్రస్తుతం ప్రియాంక ఫర్హాన్‌ అక్తర్‌ దర్శకత్వంలో ‘జీలే జరా’ చిత్రంలో నటిస్తున్నది.