టీఎఫ్‌సీసీ షార్ట్‌ఫిల్మ్‌ ఫెస్టివల్‌

సినీరంగంలో ఔత్సాహికుల్ని ప్రోత్సహించేందుకు షార్ట్‌ఫిల్మ్‌ ఫెస్టివల్‌ను నిర్వహించబోతున్నామని తెలంగాణ ఫిల్మ్‌ ఛాంబర్‌ ఆఫ్‌ కామర్స్‌ (టీఎఫ్‌సీసీ) అధ్యక్షుడు ప్రతాని రామకృష్ణగౌడ్‌ తెలిపారు.

సినీరంగంలో ఔత్సాహికుల్ని ప్రోత్సహించేందుకు షార్ట్‌ఫిల్మ్‌ ఫెస్టివల్‌ను నిర్వహించబోతున్నామని తెలంగాణ ఫిల్మ్‌ ఛాంబర్‌ ఆఫ్‌ కామర్స్‌ (టీఎఫ్‌సీసీ) అధ్యక్షుడు ప్రతాని రామకృష్ణగౌడ్‌ తెలిపారు. ఇందులో పాల్గొనడానికి ఎలాంటి ప్రవేశ రుసుము లేదని, 5 నుంచి 25 నిమిషాల నిడివి గల షార్ట్‌ఫిల్మ్‌లను ఎంట్రీకి పంపించవచ్చని, ఎంట్రీలను జూన్‌ 13వ తేదీ వరకు స్వీకరిస్తామని చెప్పారు. ఎంపిక చేసిన విజేతలకు జూన్‌ 21న హైదరాబాద్‌లో అవార్డులను ప్రదానం చేస్తామన్నారు.

తెలంగాణ ఆవిర్భావ దినోత్సవం సందర్భంగా ఈ ఫెస్టివల్‌ను ప్రారంభిస్తున్నామని, మొత్తం 20 విభాగాల్లో అవార్డులను అందజేస్తామని, ఇకపై ప్రతీ ఏడాది ఈ కార్యక్రమాన్ని నిర్వహిస్తామన ఆర్‌.కె.గౌడ్‌ తెలిపారు. ఈ కార్యక్రమంలో టీఎఫ్‌సీసీ ఉపాధ్యక్షుడు గురురాజ్‌, అల్లా భక్షు, కో ఆర్డినేషన్‌ కమిటీ సెక్రటరీ ప్రకాష్‌ గౌడ్‌ తదితరులు పాల్గొన్నారు.