Visit:
Prabhas – Raaja Saab | పాన్ ఇండియా న‌టుడు ప్రభాస్ క‌థానాయ‌కుడిగా న‌టిస్తున్న తాజా చిత్రం రాజా సాబ్ (Raaja Saab). టాలీవుడ్ డైరెక్ట‌ర్ భలే భలే మొగాడివోయ్ ఫేమ్ మారుతి ద‌ర్శ‌క‌త్వంలో ఈ సినిమా రాబోతుండ‌గా.. పీపుల్స్ మీడియా ఫ్యాక్ట‌రీ బ్యాన‌ర్‌పై టీజీ విశ్వ‌ప్ర‌సాద్ ఈ సినిమాను నిర్మిస్తున్నాడు. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ చిత్రాన్ని డిసెంబర్‌ 5న ప్రేక్ష‌కుల ముందుకు తీసుకురాబోతున్నారు మేక‌ర్స్. అయితే ఈ సినిమా నుంచి టీజర్ విడుద‌ల చేయ‌బోతున్న‌ట్లు చిత్రబృందం ప్ర‌క‌టించిన విష‌యం తెలిసిందే. జూన్ 16న టీజర్ విడుద‌ల చేయ‌నున్నారు మేక‌ర్స్. అయితే టీజర్ రాక‌ముందే దీనికి లీకుల బెడద మొదలైంది. ఈ టీజ‌ర్‌లోని కొన్ని సన్నివేశాలు ప్ర‌స్తుతం ఆన్‌లైన్‌లో లీక్ అయిన‌ట్లు తెలుస్తుంది. దీంతో ఈ విష‌యంపై చిత్రబృందం తాజాగా స్పందిస్తూ.. నెటిజ‌న్లకు హెచ్చరిక జారీ చేసింది.
ఎవరైనా ‘రాజాసాబ్’ కంటెంట్‌కు సంబంధించిన అనధికారిక వీడియోలు, ఫొటోలు షేర్ చేస్తే, వారి సోషల్ మీడియా అకౌంట్‌ను తక్షణమే నిలిపివేసేలా చర్యలు తీసుకుంటామని స్పష్టం చేసింది. సినిమాటిక్ అనుభూతిని అందించడానికి చిత్రబృందం ఎంతో కష్టపడుతోందని, దీనికి అందరూ సహకరించాలని కోరింది.
Strict action will be taken and handles will be suspended immediately if any leaked content from #TheRajaSaab is found….
We request everyone to cooperate and stand with us in protecting the experience….
Let’s celebrate responsibly. Be aware. ⚠️
— The RajaSaab (@rajasaabmovie) June 13, 2025
Read More
