Visit:
Pooja Hegde | పూజాహెగ్డే కథానాయికగా నటించిన హిందీ చిత్రం ‘దేవ’ శుక్రవారం ప్రేక్షకుల ముందుకొచ్చింది. షాహిద్‌కపూర్‌ కథానాయకుడు. ఈ చిత్రంలో జర్నలిస్ట్‌ పాత్రలో నటించింది పూజాహెగ్డే. ఈ సందర్భంగా ఇచ్చిన ఇంటర్వ్యూలో దక్షిణాది, ఉత్తరాది సినిమా ఇండస్ట్రీల మధ్య ఉన్న తేడా గురించి ఆసక్తికరమైన వ్యాఖ్యలు చేసింది పూజాహెగ్డే. వివిధ ప్రాంతాల సంస్కృతులతో పాటు పాత్ర తాలూకు మేనరిజమ్స్‌ను అర్థం చేసుకోవడం నటీనటులకు చాలా ముఖ్యమని అభిప్రాయపడింది.
‘దక్షిణాది సిటీ అమ్మాయికి, ఉత్తరాదిన పెరిగిన సిటీ అమ్మాయిల మనస్తత్వాలు, వారు కనబరిచే మేనరిజమ్స్‌లో చాల తేడా కనిపిస్తుంది. అవి అర్థం చేసుకుంటేనే పాత్రకు న్యాయం చేయగలం. సౌత్‌ సినిమాల్లో సిటీ గర్ల్‌ పాత్ర చేస్తున్నప్పుడు వారి హావభావాలు పూర్తిగా వేరుగా ఉంటాయి. వాటిని అర్థం చేసుకోవాలి. ఇలాంటి విషయాలు చిన్నగా అనిపించినా పాత్ర పోషణలో అవే కష్టమైన విషయాలు’ అని చెప్పింది. సినిమాల ఫెయిల్యూర్స్‌ విషయంలో అస్సలు నిరుత్సాహపడలేదని, ప్రయత్నం చేస్తూ పోవడమే తనకు తెలుసని పూజాహెగ్డే పేర్కొంది.
