సింగిల్‌ లైఫే సూపర్‌ యార్‌..

నాగార్జున, ధనుష్‌, రష్మిక మందన్న ప్రధాన పాత్రల్లో నటించిన ‘కుబేర’ ఈ నెల 20న విడుదలకు సిద్ధమవుతున్నది. సామాజిక, ఆర్థిక అంశాలు కలబోసిన సోషల్‌డ్రామాగా దర్శకుడు శేఖర్‌ కమ్ముల ఈ చిత్రాన్ని తీర్చిదిద్దారు.

నాగార్జున, ధనుష్‌, రష్మిక మందన్న ప్రధాన పాత్రల్లో నటించిన ‘కుబేర’ ఈ నెల 20న విడుదలకు సిద్ధమవుతున్నది. సామాజిక, ఆర్థిక అంశాలు కలబోసిన సోషల్‌డ్రామాగా దర్శకుడు శేఖర్‌ కమ్ముల ఈ చిత్రాన్ని తీర్చిదిద్దారు. పాటలు, టీజర్‌ సినిమాపై మరిన్ని అంచనాల్ని పెంచాయి. ఈ సినిమా నుంచి ‘పీ పీ డుమ్‌ డుమ్‌’ అనే పాటను ఇటీవల ముంబయిలో ఆవిష్కరించిన విషయం తెలిసిందే. కథానాయిక రష్మిక మందన్న పాత్ర చుట్టూ ఈ పాటను చిత్రీకరించారు.

గర్ల్స్‌ హాస్టల్‌లో తన మిత్రబృందంతో కలిసి ఆమె ఈ పాటలో ఆడుతూ పాడుతూ కనిపించారు. ‘పీ పీ పీపీ డుమ్‌ డుమ్‌..హలో నమస్తే గర్ల్స్‌..ఆర్‌ యూ రెడీ టూ డ్యాన్స్‌.. ట్వింకిల్‌ ట్వింకిల్‌ లిటిల్‌స్టార్‌..సింగిల్‌ లైఫ్‌ సూపర్‌ యార్‌..’ అంటూ సింగిల్‌ లైఫ్‌లో ఉన్న హాయిని ఆవిష్కరిస్తూ ఈ పాట సాగింది. దేవిశ్రీప్రసాద్‌ స్వరపరచిన ఈ గీతానికి చైతన్య పింగళి సాహిత్యాన్నందించారు. ఇంద్రావతి చౌహాన్‌ ఆలపించారు. సునీల్‌ నారంగ్‌, పుస్కూర్‌ రామ్మోహన్‌ రావు నిర్మించారు. ప్రపంచవ్యాప్తంగా భారీ విడుదలకు సన్నాహాలు చేస్తున్నారు.