Phalana Abbayi Phalana Ammayi Movie | ఫలానా అబ్బాయి ఫలానా అమ్మాయి టైటిల్‌ సాంగ్‌ రిలీజ్‌

టాలీవుడ్‌లో కొన్ని కాంబోలకు మంచి పేరుంది. వాళ్ల కలయికలో సినిమా వస్తుందంటే ప్రేక్షకులే కాదు సినీ సెలబ్రెటీలు సైతం ఆసక్తితో ఎదురు చూస్తుంటారు. అలాంటి కాంబోలలో శ్రీనివాస్‌ అవసరాల-నాగశౌర్య కాంబినేషన్‌ ఒకటి.

Phalana Abbayi Phalana Ammayi Movie | టాలీవుడ్‌లో కొన్ని కాంబోలకు మంచి పేరుంది. వాళ్ల కలయికలో సినిమా వస్తుందంటే ప్రేక్షకులే కాదు సినీ సెలబ్రెటీలు సైతం ఆసక్తితో ఎదురు చూస్తుంటారు. అలాంటి కాంబోలలో శ్రీనివాస్‌ అవసరాల-నాగశౌర్య కాంబినేషన్‌ ఒకటి. గతంలో వీళ్ల కలయికలో వచ్చిన ‘ఊహలు గుసగుసలాడే’, ‘జ్యో అచ్యుతానందా’ సినిమాలు కల్ట్‌ క్లాసిక్స్‌గా మిగిలిపోయాయి. ఈ రెండు సినిమాలు కమర్షియల్‌గా భారీ విజయాలు సాధించకపోయినా.. ఇప్పటికీ టీవీల్లో వస్తున్నాయంటే కన్నార్పకుండా చూస్తుంటాం. కాగా ఏడేళ్ల తర్వాత మళ్లీ వీళ్ల కలయికలో ఫలానా అబ్బాయి ఫలానా అమ్మాయి అనే న్యూఏజ్‌ లవ్‌స్టోరీ తెరకెక్కుతుంది.

ఇప్పటికే రిలీజైన పోస్టర్‌లు, టీజర్‌ సినిమాపై ఎక్కడలేని అంచనాలు క్రియేట్‌ చేశాయి. తాజాగా మేకర్స్‌ ఈ సినిమాలోని టైటిల్‌ సాంగ్‌ను రిలీజ్‌ చేసింది. లేటెస్ట్‌గా రిలీజైన ఈ సాంగ్‌ శ్రోతలను తెగ ఆకట్టుకుంటుంది. స్మూతి మ్యూజిక్‌తో ఒక కొత్త ఫీల్‌ కలుగుతుంది. కళ్యాణ్‌ మాలిక్‌ గొంతులో ఈ పాట మరింత అద్భుతంగా అనిపిస్తుంది. భాస్కరబట్ల సాహిత్యం కూడా ఆకట్టుకుంటుంది. ఇక ఇప్పటికే రిలీజైన కన్నులచాటు మేఘమా పాటకు విశేష స్పందన వచ్చింది. రోమ్‌ కామ్‌ ఎంటర్‌టైనర్‌గా తెరకెక్కుతున్న ఈ సినిమాలో నాగశౌర్యకు జోడీగా మాళవికా నాయర్‌ నటిస్తుంది. మార్చి 17న ఈ సినిమా గ్రాండ్‌గా రిలీజ్‌ కానుంది.