Pawan Kalyan | బాబాయ్ ఆశీస్సులు.. ‘పెద్ది’ విజయం కోసం పవన్ కళ్యాణ్ స్పెషల్ వీడియో

Pawan Kalyan | మెగా పవర్ స్టార్ రామ్ చరణ్ హీరోగా నటించిన భారీ స్పోర్ట్స్ యాక్షన్ డ్రామా ‘పెద్ది’ విడుదలకు సిద్ధమవుతున్న వేళ మెగా అభిమానుల్లో ఉత్సాహం తారాస్థాయికి చేరుకుంది. దర్శకుడు బుచ్చిబాబు సాన తెరకెక్కించిన ఈ చిత్రంపై ఇప్పటికే భారీ అంచనాలు నెలకొనగా, తాజాగా జనసేన అధినేత, పవర్ స్టార్ ప‌వ‌న్ క‌ళ్యాణ్ షేర్ చేసిన వీడియో అభిమానుల్లో మరింత జోష్ నింపింది.

Pawan Kalyan | మెగా పవర్ స్టార్ రామ్ చరణ్ హీరోగా నటించిన భారీ స్పోర్ట్స్ యాక్షన్ డ్రామా ‘పెద్ది’ విడుదలకు సిద్ధమవుతున్న వేళ మెగా అభిమానుల్లో ఉత్సాహం తారాస్థాయికి చేరుకుంది. దర్శకుడు బుచ్చిబాబు సాన తెరకెక్కించిన ఈ చిత్రంపై ఇప్పటికే భారీ అంచనాలు నెలకొనగా, తాజాగా జనసేన అధినేత, పవర్ స్టార్ ప‌వ‌న్ క‌ళ్యాణ్ షేర్ చేసిన వీడియో అభిమానుల్లో మరింత జోష్ నింపింది. ‘పెద్ది’ సినిమా ఘన విజయం సాధించాలని కోరుకుంటూ పవన్ కళ్యాణ్ ప్రత్యేకంగా రూపొందించిన ఈ వీడియో సోషల్ మీడియాలో వైరల్‌గా కూడా మారింది. ఈ వీడియోలో రామ్ చరణ్ సినీ ప్రయాణంలోని పలు చిత్రాల సన్నివేశాలను అందంగా మిళితం చేస్తూ, ఆయన వ్యక్తిత్వాన్ని ఆంజనేయస్వామి ప్రతిరూపంతో పోలుస్తూ ఆకట్టుకునే విధంగా ఎడిట్ చేశారు.

మెగా అభిమానులలో చాలామంది రామ్ చరణ్‌ను హనుమంతుడి అంశగా భావిస్తుంటారు. ఆయన వ్యక్తిత్వం, ధైర్యం, తెరపై కనిపించే ఆహార్యం ఆంజనేయస్వామిని గుర్తు చేస్తాయని అభిమానులు తరచూ పేర్కొంటుంటారు. ఈ భావనను ప్రతిబింబించేలా రూపొందించిన ఈ వీడియోలో చరణ్ నటించిన పలు సినిమాల దృశ్యాలకు హనుమంతుని ప్రతీకలను జోడించడం విశేషంగా నిలిచింది. అంతేకాకుండా తెలంగాణలోని ప్రసిద్ధ కొండగట్టు ఆంజనేయస్వామి ఆశీస్సులు రామ్ చరణ్‌కు, ‘పెద్ది’ చిత్రానికి ఉండాలని ఆకాంక్షిస్తూ వీడియోలో భావోద్వేగపూరిత అంశాలను కూడా చేర్చారు. సినిమా అఖండ విజయం సాధించాలని కోరుతూ పవన్ కళ్యాణ్ తరఫున వచ్చిన ఈ శుభాకాంక్షలు మెగా అభిమానులను ఎంతగానో ఆనందపరుస్తున్నాయి.

ఇప్పటికే ‘పెద్ది’పై భారీ అంచనాలు నెలకొన్నాయి. ‘ఆర్ఆర్ఆర్’ తర్వాత రామ్ చరణ్ నుంచి వస్తున్న ఈ భారీ ప్రాజెక్ట్ బాక్సాఫీస్ వద్ద సంచలన విజయాన్ని అందుకోవాలని అభిమానులు ఆశిస్తున్నారు. ఈ నేపథ్యంలో బాబాయ్ పవన్ కళ్యాణ్ నుంచి వచ్చిన ప్రత్యేక ఆశీస్సులు మెగా కుటుంబ అభిమానుల్లో కొత్త ఉత్సాహాన్ని నింపాయి. సోషల్ మీడియాలో ఈ వీడియోకు విశేష స్పందన లభిస్తోంది. “బాబాయ్ ప్రేమకు ఇదే నిదర్శనం”, “చరణ్‌పై పవన్‌కు ఉన్న అభిమానమే ఈ వీడియోలో కనిపిస్తోంది”, “పెద్ది బ్లాక్‌బస్టర్ కావాలని కోరుకుంటున్నాం” అంటూ మెగా అభిమానులు పెద్ద ఎత్తున పోస్టులు చేస్తున్నారు.

Pawan Kalyan Creative Works wishes Mega Power Star @AlwaysRamCharan and the entire Team #Peddi a grand success.

The name “Ram Charan” itself is another revered name associated with Lord Hanuman and reflects devotion, strength and surrender at the feet of Lord Rama, the eternal… pic.twitter.com/rLoHnsaqaj

— Pawan Kalyan Creative Works (@PKCWoffl) June 3, 2026