Parineeti Chopra | ఎంపీతో డేటింగ్‌ రూమర్స్‌ నేపథ్యంలో.. డిజైనర్‌ ఇంటికెళ్లిన పరిణీతి.. అందుకే అంటున్న నెటిజన్లు..?

Parineeti Chopra | ఆప్‌ ఎంపీ (AAP MP) రాఘవ్‌ చద్దా (Raghav Chadha), బాలీవుడ్‌ (Bollywood) స్టార్‌ నటి పరిణీతి చోప్రా (Parineeti Chopra) డేటింగ్‌లో ఉన్నారంటూ గత కొన్ని రోజులుగా తెగ ప్రచారం జరుగుతున్న విషయం తెలిసిందే. ఈ నేపథ్యంలో తాజాగా పరిణీతి ప్రముఖ డిజైనర్‌ (designer) మనీశ్‌ మల్హోత్ర (Manish Malhotra) ఇంటికి వెళ్లడం ఇప్పుడు మరో చర్చకు దారి తీస్తోంది.

March 27, 2023 / 01:28 PM IST

Parineeti Chopra | ఎంపీతో డేటింగ్‌ రూమర్స్‌ నేపథ్యంలో.. డిజైనర్‌ ఇంటికెళ్లిన పరిణీతి.. అందుకే అంటున్న నెటిజన్లు..?

Parineeti Chopra | ఆప్‌ ఎంపీ (AAP MP) రాఘవ్‌ చద్దా (Raghav Chadha), బాలీవుడ్‌ (Bollywood) స్టార్‌ నటి పరిణీతి చోప్రా (Parineeti Chopra) డేటింగ్‌లో ఉన్నారంటూ గత కొన్ని రోజులుగా తెగ ప్రచారం జరుగుతున్న విషయం తెలిసిందే. వీరిద్దరూ క‌లిసి వ‌రుస‌గా డిన్నర్‌ డేట్ (Dinner Dates)‌, లంచ్ మీటింగ్స్‌ (Lunch Meets) అంటూ చట్టాపట్టాలేసుకు తిరిగిన ఫొటోలు ఇటీవల వైరల్‌ అయ్యాయి. ఈ నేపథ్యంలో వీరిద్దరూ నిజంగానే రిలేషన్‌లో ఉన్నారంటూ పలు వెబ్‌సైట్లలో సైతం వార్తలు పుట్టుకొచ్చాయి. ఈ వార్తలపై వారిద్దరూ ఎప్పుడూ స్పందించలేదు. అలా అని కొట్టిపారేయలేదు కూడా.

డేటింగ్‌ రూమర్స్‌పై ఎంపీ రాఘవ్‌ చద్దాను ఓ విలేకరి ప్రశ్నించగా.. ‘రాజనీతి (రాజకీయాల) గురించి అడగండి.. పరిణీతి గురించి కాదు’ అంటూ చెప్పుకొచ్చారు. ఈ పరిణామాల నేపథ్యంలో తాజాగా పరిణీతి ప్రముఖ డిజైనర్‌ (designer) మనీశ్‌ మల్హోత్ర (Manish Malhotra) ఇంటికి వెళ్లడం ఇప్పుడు మరో చర్చకు దారి తీస్తోంది.

మనీశ్‌ మల్హోత్ర ప్రస్తుతం బాలీవుడ్‌లో ప్రముఖ డిజైనర్లలో ఒకరన్న విషయం తెలిసిందే. పలువురు బాలీవుడ్‌ సెలబ్రిటీలకు వివాహానికి మనీశ్‌.. అందమైన దుస్తుల్ని డిజైన్‌ చేసిచ్చారు. ఈ నేపథ్యంలో మనీశ్‌ ఇంటికి పరిణీతి వెళ్లడం ప్రాధాన్యత సంతరించుకుంది. ఆదివారం ముంబయిలోని డిజైనర్‌ ఇంటికి నటి వెళ్లిన వీడియో ప్రస్తుతం సోషల్‌ మీడియాలో వైరల్‌ అవుతోంది. ఇది చూసిన నెటిజన్లు రకరకాలుగా కామెంట్లు పెడుతున్నారు. నటి త్వరలోనే ఎంపీని వివాహం ఆడబోతోందని, పెండ్లి దుస్తులు డిజైన్‌ చేయించుకునేందుకే మనీశ్‌ మల్హోత్ర ఇంటికి వెళ్లిందంటూ చెప్పుకుంటున్నారు. మరి ఇందులో ఎంత నిజం ఉందన్నది తెలియాల్సి ఉంది.