Parineeti-Raghav Chadha | రాఘవ్‌-పరిణీతి వెడ్డింగ్‌ వీడియో చూశారా..?

Parineeti-Raghav Chadha | బాలీవుడ్ న‌టి ప‌రిణీతి చోప్రా (Parineeti Chopra), ఆప్‌ ఎంపీ రాఘ‌వ్ చ‌ద్దా (Raghav Chadha) వివాహం గత ఆదివారం అట్టహాసంగా జ‌రిగిన విషయం తెలిసిందే. ఈ నేపథ్యంలోనే వివాహం అయిన వారం రోజుల తర్వాత పరిణీతి పెళ్లికి సంబంధించిన ఓ వీడియోను తాజాగా అభిమానులతో పంచుకుంది.

September 30, 2023 / 10:19 AM IST

Parineeti-Raghav Chadha | రాఘవ్‌-పరిణీతి వెడ్డింగ్‌ వీడియో చూశారా..?

Parineeti-Raghav Chadha | బాలీవుడ్ న‌టి ప‌రిణీతి చోప్రా (Parineeti Chopra), ఆప్‌ ఎంపీ రాఘ‌వ్ చ‌ద్దా (Raghav Chadha) వివాహం గత ఆదివారం అట్టహాసంగా జ‌రిగిన విషయం తెలిసిందే. రాజస్థాన్‌ ఉదయ్‌పూర్‌ (Udaipur)లోని లీలా ప్యాలెస్‌ (Leela Palace)లో పంజాబీ సంప్రదాయంలో వీరి వివాహం జరిగింది. ఈ వేడుక‌కు సంబంధించిన కొన్ని ఫోటోల‌ను ప‌రిణీతి త‌న ఇన్‌స్టాగ్రామ్‌ అకౌంట్‌లో పోస్ట్ చేయ‌గా ప్రస్తుతం అవి నెటిజన్లను విపరీతంగా ఆకట్టుకుంటున్నాయి.

ఈ నేపథ్యంలోనే వివాహం అయిన వారం రోజుల తర్వాత పరిణీతి పెళ్లికి సంబంధించిన ఓ వీడియోను తాజాగా అభిమానులతో పంచుకుంది. రాఘవ్‌ చద్దా కోసం ‘ఓ పియా..’ అనే పాటను ప్రత్యేకంగా రూపొందించినట్లు పరిణీతి వీడియోలో తెలిపింది. ప్రస్తుతం ఈ వీడియో తెగ వైరల్‌ అవుతోంది. వీడియోలో వధూవరులు ఇద్దరూ ఎంతో సరదాగా, సంతోషంగా కనిపించారు.

రాఘవ్‌-పరిణీతి వివాహం ఈనెల 24వ తేదీన అంగరంగ వైభవంగా జరిగింది. బంధుమిత్రులు, స్నేహితుల సమక్ష్యంలో రాఘవ్‌ తన ప్రేయసి పరిణీతి మెడలో మూడుముళ్లు వేశారు. ఢిల్లీ ముఖ్యమంత్రి అరవింద్ కేజ్రీవాల్, పంజాబ్ ముఖ్యమంత్రి భగవంత్ మాన్‌, ఉద్ధవ్ ఠాక్రే కుమారుడు ఆదిత్య ఠాక్రే, మాజీ ఆర్థిక మంత్రి పి చిదంబరం సహా పలువురు రాజకీయ, క్రీడా, సినీ ప్రముఖులు ఈ వేడుకకు హాజరై నూతన వధూవరులను ఆశీర్వదించారు. ఇందుకు సంబంధించిన పెళ్లి ఫొటోలను కొత్త జంట సోషల్‌ మీడియా ద్వారా పంచుకుంది. ప్రస్తుతం ఈ ఫొటోలు వైరల్‌ అవుతున్నాయి.