‘తన తండ్రి నుంచి లాక్కున్న అధికారం, పేరుప్రతిష్టల్ని తిరిగి సాధించడానికి ఓ కొడుకు చేసిన పోరాటమే ‘పరంపర-2’ వెబ్ సిరీస్’ అని అన్నారు హీరో నవీన్చంద్ర. ఆయన కీలక పాత్రలో నటించిన ఈ వెబ్ సిరీస్ ఈ నెల 21 నుంచి డిస్నీ హాట్స్టార్లో స్ట్రీమింగ్ కానుంది. ఈ సందర్భంగా నవీన్చంద్ర మాట్లాడుతూ ‘ఈ వెబ్ సిరీస్లో గోపీ అనే పాత్రలో కనిపిస్తాను.
రాజకీయ ప్రతీకార నేపథ్య కథాంశంతో తెరకెక్కించారు. ఈ సీజన్లో నేను పోషించిన గోపీ పాత్ర శక్తివంతంగా ఉంటుంది. తండ్రిని పరాజితుడిగా చూడలేని ఓ కొడుకు అతను పోగొట్టుకున్న వాటిని తిరిగి ఎలా సొంతం చేసుకున్నాడనే పాయింట్ ఆసక్తికరంగా అనిపిస్తుంది. మొదటి సీజన్కు వచ్చిన పాజిటివ్ రెస్పాన్స్ వల్ల రెండో సీజన్ విషయంలో చాలా జాగ్రత్తలు తీసుకున్నాం’ అన్నారు. నటుడిగా తన ప్రతిభను ఆవిష్కరించుకోవడానికి ఏ వేదికలో అవకాశం వచ్చినా వదులుకోనని ననీన్చంద్ర తెలిపారు. “అరవింద సమేత వీర రాఘవ’ చిత్రంలో నా పాత్రకు మంచి పేరు దక్కింది. ఎన్టీఆర్గారు ఆ పాత్ర బాగుందని మెచ్చుకోవడం మరచిపోలేని అనుభూతినిచ్చింది. నా విలనీ కూడా బాగుంటుదని ప్రేక్షకులు చెబుతుంటారు. సినిమా, వెబ్సిరీస్ ఏది చేసినా..పాత్రల పరంగా కొత్తదనం ఉండేలా చూసుకుంటా’ అని నవీన్చంద్ర పేర్కొన్నారు.